પૂણેની સીરમ ઇન્સ્ટીટ્યૂટે ભારતમાં કોવિડ 19ના પ્રસ્તાવિત વેક્સીનની કિંમત લગભગ 1000 રૂપિયા પ્રતિ ડોઝ રાખવાની યોજના બનાવી છે. સીરમ ઇન્સ્ટીટ્યૂટ આ પહેલા ડેંગ્યૂ અને ન્યૂમોનિયા માટે સસ્તી અને સારી વેક્સીન બનાવી ચૂકી છે. હવે તે ઑક્સફોર્ડ યૂનિવર્સિટીના નેતૃત્વવાળા કંસોર્શિયમની સાથે મળીને કોવિડ 19ની રસી બનાવી રહી છે.
ભારતમાં મે મહીનાથી ટ્રાયલ શરૂ થશે, સફળ રહેવા પર સપ્ટેમ્બર-ઓક્ટોબર સુધી વેક્સીનનું ઉત્પાદન કરાશે
આ કંસોર્શિયમ 23 એપ્રિલથી માણસો પર આ વેક્સીનની ટ્રાયલ શરૂ કરી ચૂક્યું છે. તે દુનિયામાં કોરોના વાયરસની સારવાર માટે બનેલો પહેલો પ્રોજેક્ટ છે. દુનિયાભરમાં કોરોના વાયરસની વેક્સીન બનાવવાની કોશિશ થઇ રહી છે. જોકે હાલ તો આ બીમારીની વેક્સીન ઉપલબ્ધ નથી.
કોરોના વાયરસની વેક્સીનની કિંમત 1000 રૂપિયા હશે
કંપનીના સીઇઓ અને પ્રમોટર આદર પૂનાવાલાએ ટાઇમ્સ ઓફ ઇન્ડિયા સાથેની વાતચીતમાં જણાવ્યું કે અમને આશા છે કે ભારતમાં મે મહીનાથી તેની ટ્રાયલ શરૂ થઇ જશે. ટ્રાયલના સફળ રહેવા પર સપ્ટેમ્બર-ઓક્ટોબર સુધી મોટા પ્રમાણમાં વેક્સીનનું ઉત્પાદન શરૂ થઇ જશે. અમે ભારતમાં આ વેક્સીનની કિંમત 1000 રૂપિયા પ્રતિ ડોઝ રાખવા માંગીએ છીએ.
The vaccine will arrive, but we can't simply bide our time waiting for it. I urge the decision makers to open the economy, in a phased manner. Quarantine the unhealthy and let the healthy resume work. #COVID19#IndiaFightsCorona
તેઓએ કહ્યું કે ભારતમાં વેક્સીનની કિંમત બીજા દેશોની તુલનામાં ઘણી ઓછી રહેવાની આશા છે. MMR (ખસરા, કણ્ઠમાલા, અને રુબેલા) જેવી વેક્સીનની કિંમત ભારતની તુલનામાં બ્રિટેનમાં 10 ગણી છે.
ઓક્ટોબર સુધી 2થી 4 કરોડ વેક્સીન ઉત્પાદનનું લક્ષ્ય
પૂનાવાલાએ જણાવ્યું, અમે સપ્ટેમ્બરમાં યૂકેમાં ટ્રાયલની રાહ જોઇ રહ્યા નથી. તેથી અમે ઉત્પાદન શરૂ કરવાનો નિર્ણય લીધો છે. ક્લિનિકલ ટ્રાયલ સફળ રહેવા પર અમે પહેલા 6 મહીના સુધી 40થી 50 લાખ ડોઝ દર મહીને તૈયાર કરવાના લક્ષ્યની સાથે કામ કરીશું. ત્યારબાદ ઉત્પાદન એક કરોડ સુધી કરી દેવામાં આવશે. આ હિસાબે સપ્ટેમ્બર-ઓક્ટોબર સુધી 2થી 4 કરોડ વેક્સીનનો ડોઝ તૈયાર થઇ જશે.
યૂરોપીય દેશોથી 10 ગણી ઓછી કિંમત
તેઓએ જણાવ્યું, આ વેક્સીન પૂણે સ્થિત સીરમ કંપનીમાં તૈયાર કરવામાં આવશે. નવો પ્લાન્ટ તૈયાર કરવામાં 3 હજાર કરોડ અને 2 વર્ષનો સમય લાગશે. તેના માટે અમે અહીં બાકી તમામ વેક્સીનનું ઉત્પાદન બંધ કરી દઇશું. પ્રત્યક્ષ અને અપ્રત્યક્ષ રીતે આ પ્રોજેક્ટમાં 15 કરોડ ડૉલરનો ખર્ચ આવશે. અમને આશા છે કે સરકાર પણ પાર્ટનર બનશે. જેનાથી અમે ખર્ચાઓની ભરપાઇ કરી શકીશું. સીઇઓએ જણાવ્યું કે ભારતમાં આ વેક્સીનની કિંમત અપેક્ષિત રીતે ઓછી રહેશે. બ્રિટેન જેવા દેશોમાં ભારતથી 10 ગણી વધારે કિંમત પર વેક્સીન મળી રહી છે.
માંગ્યો સરકારનો સાથ
તેઓએ કહ્યું કે નવા પ્લાન્ટ પર લગભગ 6 કરોડ ડૉલરની મુડી ઉપરાંત, બીજી વેક્સીનનું ઉત્પાદન બંધ કરવાથી પણ લગભગ 6 કરોડ ડૉલરનું નુકશાન કંપનીએ ઉઠાવવું પડશે.