ચેન્નાઈમાં રમાયેલ પહેલી ટેસ્ટની પહેલી ઈનિંગમાં પણ ચેતેશ્વર પુજારા અજીબ રીતે આઉટ થયો હતો, તેનો દુર્ભાગ્ય એ હતુ કે જે બોલ બાઉન્ડ્રીની પાર જવો જોઈતો હતો તે બોલ પર તેને પેવિલિયન પાછુ ફરવુ પડ્યું.
પહેલી ટેસ્ટ મેચમાં પણ અજીબ રીતે આઉટ થયો હતો
બીજી ટેસ્ટમાં પણ સિલસિલો ચાલુ રહ્યો
ક્રિઝ પર પહોંચ્યા બાદ બેટ હાથમાંથી લપસી ગયુ
રન આઉટ વાળો વીડિયો સોશિયલ મીડિયા પર વાયરલ
ચેતેશ્વર પુજારા માટે ચેન્નાઈનું ચેપોક સ્ટેડિયમ ફરી એકવાર દુર્ભાગ્યશાળી સાબીત થયુ. ઈંગ્લેન્ડ સામે બીજી ટેસ્ટ મેચનાં ત્રીજા દિવસે તે રન આઉટ થઈ ગયો. પણ પુજારા જે તીરે રન આઉટ થયો તે જોઈને કોઈ પણ કહેશે કે પુજારા અનલકી છે. પુજારાનો રન આઉટ થવા વાળો વીડિયો સોશિયલ મીડિયા પર વાયરલ થઈ રહ્યો છે.
પુજારા રહ્યો અનલકી
ઉલ્લેખનીય છે કે પુજારા ચેન્નાઈમાં જ રમાયેલ પહેલી ટેસ્ટની પહેલી ઈનિંગમાં અનલકી રીતે કેચ આઉટ થયો હતો. તે સમયે કોમેન્ટેટરનાં મોઢે પણ એવુ નીકળ્યુ હતું કે, સાચે પુજારા ખુબ દુર્ભાગ્યશાળી રહ્યો. બીજી ટેસ્ટમાં સોમવારે રોહિત શર્મા અને ચેતેશ્વર પુજારાએ ત્રીજા દિવસની શરુઆત કરી હતી. પહેલી ઓવર ઈંગ્લેન્ડનાં સ્પિનર મોઈન અલીએ નાંખી. જેના લાસ્ટ બોલ પર પુજારા આગળ વધીને બોલને હિટ કરવાનો પ્રયાસ કરવા ગયો પણ ટાઈમિંગ મિસ કરી ગયો અને બોલ તેનાં બેટને અડીને શોર્ટ લેગ પર ઉભેલા ઓલી પોપ પાસે પહોંચી ગયો.
ઓલી પોપે બોલ ફિલ્ડ કરીને વિકેટકીપર બેન ફોક્સને આપી. તેટલી વારમાં પુજારાએ પાછળ ફરીને ક્રિઝ પર બેટ રાખ્યુ હતુ પણ ત્યારે તેનાં હાથેથી બેટ લપસી ગયુ અને ફોક્સે સ્ટમ્પિંગ કરી દીધી. આ રીતે પુજારા આઉટ થયો જે ખૂબ દુર્ભાગ્યપૂર્ણ રહ્યું.
ઓલી પોપની પીઠ પર બોલ ટકરાયો
પહેલી ટેસ્ટની વાત કરીએ તો પુજારા ડોમ બેસની શોર્ટ બોલ પર પુલ શોટ મારવાના પ્રયાસે શોટ મારવા ગયો અને ત્યાં શોર્ટ લેગ પર ઉભેલા ઓલી પોપની પીઠ પર બોલ ટકરાઈ. પુજારા તેની આગળ ચાલી રહ્યો હતો. જેથી બોલ ઓલી પોપની પીઠ પર ટકરાઈ અને બાદમાં ઉછળીને શોર્ટ મીડ વિકેટ પર ઉભેલા રોરી બર્ન્સ પાસે પહોંચી અને તેણે કેચ પકડી લીધો.