લેડી ઓફિસરના કાંડ / IAS પૂજા ખેડકરનું વધુ એક ભોપાળું, હવે આ કામ પણ કર્યું, કહો નખરાળી કહેવાય કે નહીં?

ખોટા પ્રમાણપત્રો રજૂ કરીને સિવિલ સર્વિસની નોકરી મેળવનાર મહારાષ્ટ્રની ટ્રેઈની આઈએએસ પૂજા ખેડકરના ભોપાળા બહાર આવી રહ્યાં છે. હવે તેની સામે વધુ એક આરોપ લાગ્યો છે. વિકલાંગતાનું પ્રમાણપત્ર મેળવવા માટે પૂજાએ ખોટા સરનામા અને નકલી રેશનકાર્ડનો ઉપયોગ કર્યો હતો. પૂજા ખેડકરે પ્રમાણપત્ર મેળવવા માટે યશવંતરાવ ચવ્હાણ મેમોરિયલ હોસ્પિટલ (વાયસીએમ)ને આપેલું સરનામું હતું – પ્લોટ નંબર 53, દેહુ-આલંદી, તલવાડે. તેણે દાવો કર્યો હતો કે આ તેનું રહેઠાણ છે, જે પિંપરી ચિંચવડ વિસ્તારમાં આવે છે. જોકે, આ સરનામે તેમનું ઘર નહીં પરંતુ થર્મોવેરીટા એન્જિનિયરિંગ પ્રાઈવેટ લિમિટેડ નામની બંધ કંપની મળી આવી હતી. મતલબ કે પૂજા ખેડકરે અપંગતાનું પ્રમાણપત્ર મેળવવા માટે આપેલું ઘરનું સરનામું પણ નકલી નીકળ્યું, જેના કારણે તેની મુશ્કેલીઓમાં વધારો થયો છે.

ખોટા પ્રમાણપત્રો રજૂ કર્યાં, નોકરીએ લાગતાં પહેલા સુવિધાઓ માગી

પૂજા ખેડકર પુણેમાં ટ્રેઇની IAS તરીકે પોસ્ટ કરવામાં આવી હતી, ત્યારે તે વિવાદોમાં ઘેરાઈ ગઈ હતી. તેણે સુખ-સુવિધાઓ માટે વિવિધ માંગણીઓ કરી હતી, ત્યારબાદ તેની વાશીમ બદલી કરવામાં આવી હતી. જો કે, બાદમાં મોટી કાર્યવાહી કરીને તેની તાલીમ પણ રદ કરવામાં આવી હતી નોકરીએ લાગતાં પહેલા તેણે વીઆઈપી સુવિધાઓ પણ માગી હતી.

વધુ વાંચો : અય્યાશ ડોક્ટર ! પત્નીને ઈન્જેક્શનથી મારી, ફૂલ જેવી બે દીકરીઓનું ગળું દબાવ્યું, એક્સિડન્ટનું નાટક

રેશનકાર્ડ પણ ખોટું

પૂજાએ રેશનકાર્ડ બનાવવા માટે આ જ નકલી સરનામાનો ઉપયોગ કર્યો છે. પૂજા ખેડકરે પૂણેની વાયસીએમ હોસ્પિટલમાંથી વિકલાંગતાનું પ્રમાણપત્ર મેળવવા માટે દસ્તાવેજોનો ઉપયોગ કર્યો હતો તે લોકોમોટર ડિસેબિલિટીથી પીડિત છે. 24 ઓગસ્ટ, 2022ના રોજ જારી કરાયેલા પ્રમાણપત્રમાં જણાવાયું છે કે પૂજા ખેડકરને ઘૂંટણમાં સાત ટકા અપંગતા છે. ખેડકરના નકલી સરનામે આવેલી કંપની થર્મોવેરિટા એન્જિનિયરિંગના નામે ઓડી કાર પણ નોંધાયેલી છે.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ