કેન્દ્ર સરકારે રજૂ કરેલા મોટર વ્હીકલ એક્ટમાં સુધારો કરીને નવા નિયમો બહાર પાડ્યાં છે. જેને પગલે ઘણાં બધાં લોકોએ તેની હાલાંકીનો સામનો કરવો પડી રહ્યો છે. આ નવા નિયમ મુજબ ટ્રાફિકનાં નિયમોનો ભંગ કરનાર વાહન ચાલકોને ભારે દંડનો સામનો કરવો પડે છે. જો કે ક્યાંક ક્યાંક આનો વિરોધ પણ થઇ રહ્યો છે. જો કે હવે ગુજરાતમાં 16 સપ્ટેમ્બરથી આ નિયમો લાગુ થઇ ગયા છે.
PUC અને HSRP નંબર પ્લેટને લઇ લોકોની લાંબી લાઇનો
સરકારે 12 સપ્ટેમ્બરનાં રોજ પ્રેસનોટ જાહેર કરીને આપી હતી માહિતી
HSRP નંબર પ્લેટ લગાવવા માટેનાં સમયમાં એક મહીનાનો વધારો
આ નિયમ અંતર્ગત હવે રાજ્યમાં પણ ચારે બાજુ નિયમો ભંગ કરનારા લોકોને દંડ ફટકારવાનું શરૂ કરી દેવામાં આવ્યું છે. પરંતુ મોટર વ્હીકલ એક્ટને લઇને મુખ્યમંત્રી વિજય રૂપાણીએ રાજ્યમાં નવા નિયમોની જાહેરાત કરી છે. જેમાં રાજ્યની સત્તા હેઠળ આવતા દંડની જોગવાઇમાં ફેરફાર કરાયો છે. આ જોગવાઈમાં સરકારે કેટલાક દંડમાં ફેરફાર કર્યા છે. કલમ-200 હેઠળ રાજ્ય સરકાર ફેરફાર કરવામાં આવ્યાં છે.
મોટર વ્હીકલ એક્ટને લઇને સીએમ વિજય રૂપાણીએ દંડમાં ઘટાડો કર્યો છે. કેન્દ્ર સરકારે નક્કી કરેલા ઊંચા દંડને રાજ્ય સરકારે ઘટાડ્યો છે. જેમાં રાજ્ય સરકારે 50થી વધુ કલમોમાં સુધારો કર્યો છે. પરંતુ સરકારની આ જાહેરાત થતાંની સાથે જ હવે રાજ્યમાં ચારે બાજુ લોકોની PUC અને HSRP નંબર પ્લેટ માટેની દોડધામ મચી ગઇ છે. પરંતુ તમારી પાસે હજી થોડો સમય છે જેથી તમે ગભરાશો નહીં. એટલે કે સરકારે લાયસન્સમાં નહીં પરંતુ PUC અને HSRP નંબર પ્લેટ માટેની તારીખમાં વધારો કર્યો છે.
PUC અને HSRP કઢાવવા માટેની તારીખ લંબાવાઇ
મોટર વ્હીકલ એક્ટ અંતર્ગત સરકારે રાતોરાત વધારી દીધેલી ટ્રાફિક દંડની રકમથી સમગ્ર દેશમાં ફફડાટ મચી ગયો છે. લોકો દંડનાં ડરે ઝડપથી લાયસન્સ, PUC અને HSRP નંબર પ્લેટ કઢાવવા અધિરા બન્યાં છે. પરંતુ રાજ્યમાં સરકાર દ્વારા PUC અને HSRP કઢાવવા અંગે વિશેષ રાહત આપી છે. સરકારે 12 સપ્ટેમ્બરનાં રોજ પ્રેસનોટ જાહેર કરીને એ માહિતી આપી હતી કે લોકોને અગવડતાં ન પડે તે હેતુસર હવે PUC કઢાવવાની તારીખ 30 સપ્ટેમ્બર 2019 અને HSRP નંબર પ્લેટ કઢાવવાની તારીખ 16 ઓક્ટોબર 2019 સુધી લંબાવી દીધી છે.
આ જાહેરાત બાદ હજી તમારી પાસે 30 સપ્ટેમ્બર 2019 સુધી PUC નહીં હોય તો પણ પોલીસ કે RTO તમને દંડી નહીં શકે અને 16 ઓક્ટોબર 2019 સુધી જુના વ્હીકલ્સમાં HSRP નંબર પ્લેટ નહીં હોય તો પણ પોલીસ કે RTO તમને રોકી નહીં શકે. તેમ છતાં જો પોલીસ કે RTOનાં કોઈ અધિકારી તમારી પાસેથી PUC કે HSRP નંબર પ્લેટ અંગે જો સવાલ કરે તો તો તમે નીચેની અખબારી યાદી બતાવી કહી શકો છો કે તમે આ મામલે દંડ વસુલી ના શકો.
આ એપ્લિકેશનમાં ડોક્યુમેન્ટ્સ ગણાશે માન્ય
તમને જણાવી દઇએ કે કેન્દ્ર સરકારે નક્કી કરેલા કોઇ પણ કાયદામાં રાજ્ય સરકારને ફેરફાર કરવાની સત્તા હોય છે. જેને લીધે કેટલાંક રાજ્યોમાં આ કાયદો લાગુ કરવામાં આવ્યો છે અને કેટલાંક રાજ્યોમાં આ નિયમ લાગુ નથી કરવામાં આવ્યો. ત્યારે ગુજરાતમાં પણ લોકોને PUC અને HSRP અંગે રાહત આપવામાં આવી છે. આ ઉપરાંત અન્ય પણ કેટલીક રાહતો અપાઇ છે. જેમાં લાયસન્સ કે અન્ય કેટલાંક જરૂરી દસ્તાવેજો સાથે રાખવા જરૂરી નથી. એટલે કે તમારે હવે તમારા લાયસન્સ, PUC અને RC બૂક જેવાં ડોક્યુમેન્ટ્સને તમે ડીજી લોકર અને એમ પરિવહન એપ્લિકેશનમાં સ્ટોર કરી શકો છે કે જેને માન્ય ગણવામાં આવશે.
મોટર વ્હીકલ એક્ટ અંતર્ગત કેન્દ્ર સરકાર અને રાજ્ય સરકાર દ્વારા નક્કી કરાયેલો દંડ