અમદાવાદ / ટ્રાફિક દંડના ભયથી લોકોનો અપનાવ્યો નવો કિમીયો, કાર અને બાઇક મૂકી BRTS અને રીક્ષાને સહારે

• ટ્રાફિક નિયમ આવતાની સાથે એક જ દિવસમાં BRTSને તગડી કમાણી
• કેટલાંકે કાર પુલિંગ, રિક્ષા તો કેટલાંકે લીધો ખાનગી ટેક્સી શેરિંગનો સહારો

કેટલાક કિસ્સામાં તો પોલીસે ટ્રાફિકના નિયમોનું પાલન કરવા લોકોને સમજાવ્યા હતા. સૌથી વધુ લોકો હેલ્મેટ સાથે રસ્તા પર દેખાયા હતા. જોકે ટ્રાફિક મેમોના દંડથી બચવા લોકોએ પોતાનાં વાહનો પડતાં મૂકીને સીટી બસ અને બીઆરટીએસની વાટ પકડી હતી. એક જ દિવસમાં બીઆરટીએસને તગડી કમાણી થઈ હતી. અંદાજે બીઆરટીએસમાં અંદાજે ૨૫ હજાર અને સીટી બસમાં ૧૫ હજારથી વધુ લોકોએ મુસાફરી કરી હોવાનું જાણવા મળે છે.

રોજની 180 HSRPની એપ્લિકેશન વધીને થઇ ગઇ 800 રૂપિયા

કેટલાંક લોકોએ કાર પુલિંગ તો કેટલાકે રિક્ષા અને ખાનગી ટેક્સી શેરિંગ ટેક્સીનો સહારો લીધો હતો.  ટ્રાફિકનાં નિયમોનાં ભંગ બદલના આકરા  આકરા દંડથી બચવા લોકોએ પીયુસી,લાઇસન્સ રિન્યુઅલ ટેસ્ટ ટ્રેક અને એચએસઆરપી માટે રીતસરની લાઈન લગાવી છે. જોકે આરટીઓના સર્વરનાં ધાંધિયાં યથાવત હોઈને લોકો દરરોજ એપોઈન્ટ્મેન્ટ સહિત ઓનલાઇન પેમેન્ટની મુશ્કેલીઓ ભોગવી રહ્યાં છે.

જ્યારે કેટલાંક કંટાળીને ફરી એક વાર ધરમ ધક્કો ખાઈ રહ્યાં છે. રોજની ૧૮૦ એચએસઆરપીની એપ્લિકેશન વધીને ૮૦૦થી છે. રિન્યુઅલની અરજી માત્ર રોજની ૩૦૦ જેટલી આવતી હતી. જે વધીને હવે ૯૦૦થી ૧૦૦૦ થઈ છે બેકલોગ પહેલાં આઠ દિવસ આસપાસ રહેતો હતો. જે વધીને હવે ૨૦થી ૨૫ દિવસ થયો છે.