બંડ / પોલીસ નસકોરા બોલાવેને પ્રજા સપાટોઃ રાજકોટમાં દારૂના અડ્ડા ઉપર જનતાની રેડ  

• રાજકોટમાં ખુલ્લેઆમ દારૂ વેચાતો હોવાનો આક્ષેપ
• તંત્ર અને બુટલેગરોની મિલિભગતને કારણે જ બુટલેગરો બેફામ બન્યા
• તંત્રને અનેક રજૂઆતો છતાં તે નિષ્ક્રિયજ રહ્યુ

રાજકોટ પોલીસની કામગીરી પર પ્રશ્નો ઉઠી રહ્યા છે. પોલીસ હોવા છતાં જનતાએ બુટલેગરોથી કંટાઈને રેડ કરવી પડી છે. રાજકોટમાં પોલીસને ફરિયાદ કરી કરીને થાકેલી જનતાએ જાતે જ બુટલેગરોને સબક શીખવવા રેડ પાડવાનું શરૂ કરી દીધુ છે. રાજકોટમાં જનતાએ રેડ કરી દારૂનો અડ્ડો ઝડપી પાડ્યો હતો. જનતા રેડમાં દેશી દારૂનો જથ્થો મળી આવ્યો હતો. 

શું કહે છે જનતા
તંત્રને અનેક રજૂઆતો છતાં તે નિષ્ક્રિયજ રહ્યુ છે. વારંવાર રજૂઆતો કેટલી કરવી? રાજકોટમાં ખુલ્લેઆમ દારૂ વેચાય છે આ અંગે અવારનવાર ખબર આવતી રહેતી હોવા છતાંય તંત્ર દ્વારા કોઈ અસરકારક પગલા લેવામાં આવતા નહતા ત્યારે કંટાળીને આખરે અમારે જ દારૂના અડ્ડાઓ ઉપર રેડ કરવી પડી હતી. 
 

રાજકોટમાં ખુલ્લેઆમ દારૂ વેચાતો હોવાનો આક્ષેપ
રાજકોટમાં ખુલ્લેઆમ દારૂ મળતો હોવાના પણ આક્ષેપ થઈ રહ્યા છે. લોકો બુટલેગરોના ત્રાસથી ત્રસ્ત થઈને રસ્તા ઉપર ઉતર્યા હતા. લોકોએ પોલીસ તંત્રની કાર્યવાહી પર પણ સવાલ ઉઠાવ્યા હતા. 
 

તંત્રની મિલિભગતનાથી બુટલેગરો બેફામ બન્યાના આક્ષેપ
શહેરમાં ચાલતા અડ્ડાથી પોલીસ તંત્ર હજુ પણ અજાણ છે? કે પછી ખાલી ખાલી બુટલેગરોને ઢાંકપિછોડો કરવા માટેની રમત માંડી છે ? તેવા પણ પ્રશ્ન ઉઠી રહ્યા હતા. જનતાએ ત્યાં સુધીના આક્ષેપો લગાવ્યા હતા કે તંત્ર અને બુટલેગરોની મિલિભગતને કારણે જ બુટલેગરો બેફામ બન્યા છે. 

ક્યાં પાડી રેડ
રાજકોટમાં યુનિવર્સિટી પોલીસ સ્ટેશન વિસ્તારમાં જે.કે.ચોક પાસે જનતાએ રેડ પાડી હતી. જોવાની વાત એ છે કે, થોડા દિવસ પહેલા પોલીસે અહીં રેડ પાડી હોવાનું નાટક કર્યુ હતુ.