યોજના / આ સ્કીમમાં રોજ 300 રૂપિયા જમા કરો અને બની જાઓ કરોડપતિ, જાણી લો વિગતો

• આ સ્કીમમાં રોજ 300 રૂપિયા જમા કરો અને બની જાઓ કરોડપતિ
• આ સ્કીમનો લાભ લઈ મેળવો સારું રિટર્ન
• પોસ્ટ ઓફિસમાં ખાલાવો પીપીએફ એકાઉન્ટ

પબ્લિક પ્રોવિડન્ટ ફંડ એકાઉન્ટને એક ટેક્સ સેવિંગ ઇન્વેસ્ટમેન્ટ તરીકે જોવામાં આવે છે, જે સંપૂર્ણ રીતે રિસ્ક ફ્રી છે. તે કેન્દ્ર સરકાર દ્વારા સપોર્ટ કરવામાં આવેલી નાની બચત યોજનામાંથી એક છે, જે લાંબા સમયગાળામાં વધુ નફો આપે છે. વર્તમાન સમયમાં પીપીએફ એકાઉન્ટ પર 7.1 ટકા વ્યાજ મળે છે, જે મોંઘવારીની સરખામણીએ વધુ છે. PPF એકાઉન્ટ તમે કોઇપણ બેંક અથવા પોસ્ટ ઓફિસમાં ખોલાવી શકો છો. પોસ્ટ ઓફિસમાં PPF અકાઉન્ટ ખોલવાનો એ ફાયદો છે કે તેમાંથી મળેલાં વ્યાજ પર સોવરેન ગેરન્ટી હોય છે, જે તેને બેંકના વ્યાજની સરખામણીએ વધુ સુરક્ષિત બનાવે છે.

PPFમાં ટેક્સ છૂટનો પણ લાભ મળે છે. રોકાણકારો માટે તેમાં જોખમ નહિવત્ છે. જોકે PPFમાં રોકાણને સંપૂર્ણ રીતે સરકાર સુરક્ષા આપે છે, તેથી તે સંપૂર્ણ રીતે રિસ્ક ફ્રી છે. PPF અકાઉન્ટ પર વ્યાજદરમાં કેન્દ્ર સરકાર દર ક્વાર્ટરમાં સુધારો કરે છે.

મળે છે આ ફાયદા

PPFમાં ઇન્કમ ટેક્સ એક્ટના સેક્શન 80C હેઠળ ટેક્સ બેનેફિટ મળે છે. તેમાં સ્કીમમાં રોકાણની રકમ પર 1.5 લાખ રૂપિયા સુધી ડિડક્શન લઈ શકાય છે. PPFમાંથી થયેલી વ્યાજની કમાણી અને મેચ્યોરિટીની રકમ એમ બંને પર ટેક્સમાં છૂટ મળે છે.

PPF અકાઉન્ટનું ટેન્યોર 15 વર્ષનું હોય છે. ત્યારબાદ તમે તેને 5 વર્ષ માટે આગળ વધારવા માટે એપ્લાય કરી શકો છો. PPF અકાઉન્ટ હોલ્ડર 15મા વર્ષે તેને આગળ વધારવા માટે ફોર્મ જમા કરાવી શકે છે. જો કોઈ વ્યક્તિ 30 વર્ષે PPF ખાતું ખોલાવે છે, તો તે 5 વર્ષ આગાળ કરી 30 વર્ષ સુધી તેનું અકાઉન્ટને ઓપરેટ કરી શકે છે.

આવી રીતે મળશે 1.1 કરોડ રૂપિયા

PPF કેલ્ક્યુલેટર મુજબ જો કોઈ વ્યક્તિ PPF અકાઉન્ટમાં રોજ 300 રૂપિયા એટલે દર મહિને 9,000 રૂપિયા જમા કરે છે, તો 15 વર્ષ પછી તેને 29,29,111 રૂપિયા મળશે. જો વધુ 15 વર્ષ માટે PPF ખાતાને આગળ વધારે છે, તો તેને 1.11 કરોડ રૂપિયા મળશે.