ફાયદો / પોસ્ટ ઓફિસની આ સ્ક્રીમમાં માત્ર આટલું જ રોકાણ કરશો તો પણ તમે કરોડપતિ બની જશો

• દર મહિને 12500નું રોકાણ કરવાનું હોય છે
• પોસ્ટ ઓફિસની જાહેર ભવિષ્ય નિધિ યોજનામાં રોકાણ ફાયદાકારક
• આટલા વર્ષે 1 કરોડ રુપિયા મળશે

તમે કેટલું રોકાણ કરી શકો છો?

આ યોજના હેઠળ તમે દર વર્ષે વધુમાં વધુ 1.50 લાખ રૂપિયાનું રોકાણ કરી શકો છો. કોઈ વ્યક્તિ આ યોજનામાં કોઈપણ નાણાંકીય વર્ષમાં આ મર્યાદાથી વધુનું રોકાણ કરી શકશે નહીં. આવકવેરાની જૂની પદ્ધતિ અનુસાર આ યોજનાના રોકાણ પર તમને વાર્ષિક રૂ. 1.50 લાખ સુધીના રોકાણ પર ટેક્સ છૂટ મળે છે. આ સિવાય આ યોજના તમને EEE હેઠળ લાભ પણ આપે છે.

પીપીએફ પર વ્યાજ દર

સરકાર ઘણી અન્ય યોજનાઓ માટે પીપીએફ સહિત દરેક ક્વાર્ટરમાં વ્યાજ દર નક્કી કરે છે. એપ્રિલ 2020 થી જૂન 2020 માટે પીપીએફ પરનો વ્યાજ દર 7.1% છે. પીપીએફ ખાતાની પાકતી મુદત 15 વર્ષ છે. જો કે, કોઈપણ વ્યક્તિ એક કરતા વધુ પ્રસંગે પાંચ-પાંચ વર્ષ સુધી લંબાવી શકે છે. આ માટે તેણે સંબંધિત બેંક અને પોસ્ટ ઓફિસમાં અરજી કરવાની રહેશે. આ માટે, તમારે મેચ્યોરિટીવાળા વર્ષમાં Form 15H ભરવું પડશે.

કરોડપતિ બનવા માટે, તમારે દર મહિને આટલું રોકાણ કરવું પડશે

તમે દર મહિને 12,500 રૂપિયા એટલે કે વાર્ષિક 1.5 લાખનું રોકાણ કરી શકો છો. આ મુજબ, જો તમે સતત 15 વર્ષ માટે રોકાણ કરો છો, તો પછી 7.1% ના વ્યાજ દરે 15 વર્ષ પછી તમારી પાકતી રકમ 42.60 લાખ રૂપિયાની આસપાસ બેસે છે. જો કે તમે બે વાર એટલે કે દસ વર્ષ માટે રોકાણ વધારશો તો 25 વર્ષ પછી તમારી પાકતી રકમ 1 કરોડ રૂપિયા થઈ શકે છે.