ચેતજો / હવે તમે તમારી પ્રેમિકાને જાહેરમાં નહીં કરી શકો Kiss, નહીં તો...

જો આપ આપની પ્રેમિકા અથવા તો પ્રેમીને જો સાર્વજનિક સ્થાન પર કિસ (kiss) કરો છો તો હવે આપે જેલની હવા ખાવી પડી શકે છે. ભારતીય દંડ સહિતા એટલે કે આઇપીસી કલમ 294માં જોગવાઇ કરવામાં આવી છે કે જો કોઇ પુરૂષ અથવા તો મહિલા કોઇની સાથે સાર્વજનિક પર કોઇ પણ પ્રકારની અશ્લીલ (Obscene) ક્રિયા કરે છે તો તેની વિરૂદ્ધ હવે પોલીસ કાયદેસરની કાર્યવાહી કરી શકે છે. જો કે કાયદામાં અશ્લીલતાની હજી સુધી કોઇ જ સ્પષ્ટ પરિભાષા નથી. આને ધ્યાનમાં રાખતા પોલીસ સામાન્યતઃ આ કાયદાનો દૂરુપયોગ કરે છે.

આનો અર્થ એ થયો કે જો આપ મેટ્રો સ્ટેશન, રેલ્વે સ્ટેશન, બજાર, સ્કૂલ અથવા તો પછી કોઇ પણ સાર્વજનિક સ્થળ પર પોતાની પ્રેમિકા અથવા તો પ્રેમી અથવા તો પછી પોતાની પત્ની અથવા તો પતિને જો જાહેરમાં કિસ કરો છે તો પોલીસ તેને હવે અશ્લીલ બતાવીને આપની ધરપકડ કરી શકે છે. આવા મામલામાં પોલીસને આઇપીસી કલમ 294 અંતર્ગત અધિકાર આપવામાં આવે છે.

એડવોકેટ માર્કંડેય પંત અને એડવોકેટ રાજેશ શર્માએ જણાવ્યું કે, જો કોઇ કોઇને સાર્વજનિક સ્થળ પર કિસ કરે છે તો તેની વિરૂદ્ધ પોલીસ એક્શન લેવાઇ શકે છે. તેઓએ જણાવ્યું કે, જો કોઇ પોતાની પ્રેમિકા અથવા પ્રેમીને સાર્વજનિક સ્થળ પર કારની અંદર પણ કિસ કરે છે. તો પણ તેની વિરૂદ્ધ પોલીસ એક્શન લઇ શકાય છે. તેઓએ જણાવ્યું કે, આઇપીસી કલમ 294માં સાર્વજનિક સ્થળ પર કોઇ પણ પ્રકારની અશ્લીલ વાતચીત કરવા પર પણ કેસ દાખલ થઇ શકે છે અને પોલીસ કડક કાર્યવાહી કરી શકે છે.

એડવોકેટ રાજેશ શર્માએ જણાવ્યું કે, આઇપીસીની કલમ 294 અંતર્ગત અશ્લીલ કાર્ય કરવા પર ત્રણ મહીનાની જેલની સજા અને દંડની જોગવાઇ કરવામાં આવી છે. આ સિવાય જો કોઇ સાર્વજનિક સ્થળ અથવા તેની આસપાસ અશ્લીલ ગીત ગાશે અથવા પછી અશ્લીલ શબ્દોનો ઉપયોગ કરશે, તો પણ તેની વિરૂદ્ધ પોલીસ આઇપીસીની કલમ 294 અંતર્ગત કાર્યવાહી કરી શકે છે.