બોરસદના સિસ્વા ગામે જાહેરસભા યોજાઈ હતી. જેમાં કોંગ્રેસના ઉમેદવાર રાજેન્દ્રસિંહએ 2060 માં 60 રૂપિયે પેટ્રોલ મળતું હતું તે અંગેનું નિવેદન આપતા ચર્ચા જાગી હતી.
બોરસદ કોગ્રેસનાં ઉમેદવાર સ્ટેજ પર ભાંગરો વાટ્યો
પેટ્રોલ 2060માં કેટલા રૂપિયે મળતું હતું : રાજેન્દ્રસિંહ
2060 માં 60 રૂપિયે મળતું હતું પેટ્રોલ : રાજેન્દ્રસિંહ
ગુજરાત વિધાનસભાની ચૂંટણીને લઈને હાલ રાજ્યમાં રાજકીય ગતિવિધિઓ ચરમસીમાએ છે. ગુજરાતનો ગઢ જીતવા રાજકીય પાર્ટીઓ દ્વારા એડીચોટીનું જોર લગાવવામાં આવી રહ્યું છે. જેમાં પ્રચાર દરમિયાન જોશમાં આવી જતા અનેક ઉમેદવારોના વીડિયો વાયરલ થઇ રહ્યા છે. જેમાં હવે કોંગ્રેસના ઉમેદવાર રાજેન્દ્રસિંહ પરમારનું પણ નામ ઉમેરાયું છે. કારણ કે, પ્રચાર દરમિયાન આણંદના બોરસદમાં કોંગ્રેસના ઉમેદવાર રાજેન્દ્રસિંહની સ્ટેજ પરથી જીભ લપસી હતી.
2060 માં 60 રૂપિયે મળતું હતું પેટ્રોલ: રાજેન્દ્રસિંહ
આણંદ જિલ્લાના બોરસદના સિસ્વા ગામે જાહેર સભાનું આયોજન કરવામાં આવ્યું હતું. જેમાં કોંગ્રેસના ઉમેદવાર રાજેન્દ્રસિંહએ ભાંગરો વાટ્યો હતો. તેમણે જાહેર સ્ટેજ ઉપરથી નિવેદન આપતા કહ્યું હતું કે, પેટ્રોલ 2060માં કેટલા રૂપિયે મળતું હતું? 2060 માં 60 રૂપિયે પેટ્રોલ મળતું હતું. જ્યારે ડીઝલ 46 રૂપિયે મળતું હતું. તે અંગેનું નિવેદન આપતા સભામાં ગ્રામજનો અને સમર્થકો સ્તબ્ધ થઇ ગયા હતા.