જૂથ અથડામણ / સુરેન્દ્રનગરના ચુડાના કુપડા ગામે સરાજાહેર જૂથ અથડામણ, 3 લોકો ગંભીર ઈજાગ્રસ્ત

• ચુડાના કુપડા ગામે જૂથ અથડામણ 
• 3 લોકો ગંભીર રીતે ઈજાગ્રસ્ત 
• અંગત અદાવતમાં અથડામણ થઈ હોવાનું અનુમાન 

સુરેન્દ્રનગર જિલ્લામાં વધી રહેલી ગુનાખોરી હવે એક ચિંતાનો વિષય બન્યો છે. થોડાક સમય પહેલા અહીયા એક જૂથ અથડામણનો બનાવ બન્યો હતો. જેમા ફાયરિંગ પણ થયું હતું ત્યારે વધુંમાં ફરી વખત જિલ્લામાં જૂથ અથડામણનો બનાવ સામે આવ્યો છે. આ બનાવ સુરેન્દ્રનગરના ચુડાના કુડલા ગામે સામે આવ્યો છે. 

અંગત અદાવતમાં અથડામણ 

ચુડાના કુડલા ગામે બે જૂથો વચ્ચે મારામારી થઈ . આ મારામારીમાં બંને જૂથના લોકો હિંસક હથિયારો સાથે આમને સામને આવી ગયા હતા. જેના કારણે ભારે હિંસા થઈ હતી. બનાવમાં કુલ 5 જેટલા શખ્સો ગંભીર રીતે ઘાયલ થયા છે. જોકે મારામારી શા કારણે થઈ તે હજું સુધી સામે નથી આવ્યું. પરંતુ અંગત અદાવતમાં આ જૂથ અથડામણ થઈ હોવાનું ચર્ચા ચાલી રહી છે.

ઘાયલો હોસ્પિટલમાં સારવાર હેઠળ 

ઘટનામાં ઘાયલ થયેલા લોકોને તાત્કાલીક હોસ્પિટલમાં ખસેડવામાં આવ્યા. હાલ તે લોકો સારવાર હેઠળ છે. ઘટનાની જાણ થતા પોલીસ પણ દોડતી થઈ ગઈ હતી અને પોલીસે સમગ્ર મામલે કાયદેસરની કાર્યવાહી આરંભી છે. જોકે  સુરેન્દ્રનગરમાં વધી રહેલી ગુનાખોરી સામાન્ય પ્રજા માટે ચિંતાનો પ્રશ્ન બની ગઈ છે. 

અગાઉ ઝેઝરી ગામે જૂથ અથડામણનો બનાવ 

અગાઉ સુરેન્દ્રનગરના પાટડી તાલુકાના ઝેઝરી ગામે પણ જૂથ અથડામણની ઘટના બની હતી. જે ઘટનામાં પણ 3 લોકો ગંભીર રીતે ઈજાગ્રસ્ત થયા હતા. સાથેજ આ બનાવમાં 10 થી વધું રાઉન્ડ ફાયરિંગ પણ કરવામાં આવ્યું હતું આ ઘટનાને લઈને તે ગામમાં ભયનો માહોલ ફેલાયેલો છે. ત્યારે વધુંમાં ફરી એકવાર જિલ્લામાં જૂથ અથડામણનો બનાવ સામે આવ્યો છે. 

લોકોમાં ભયનો માહોલ 

ઉલ્લેખનીય છે કે સુરેન્દ્રનગરમાં વધી રહેલી ગુનાખોરીને કારણે હવે અહીયા કાયદો અને વ્યવસ્થા સામે સવાલ ઉઠી રહ્યા છે. સાથેજ સરાજાહેર બની રહેલા જૂથ અથડામણના બનાવોને લઈને લોકોમાં ડરનો માહોલ ફેલાઈ ગયો છે.