Gaming / પબજી રસિયાઓ માટે સારા સમાચાર: 16 એપ્રિલે આવી રહ્યો છે આ નવો મોડ

• કોલ્ડ ફ્રન્ટ સર્વાઇવલ 16 એપ્રિલના રોજ શરૂ કરવામાં આવશે
• પબજીનું લાઇટ વર્ઝન પણ ગયા વર્ષે લોન્ચ કરાયું હતું
• પબજી લાઇટ ઓછી રેમ અને લો પ્રોસેસર ધરાવતા મોબાઇલમાં પણ રમી શકાય છે

ટ્વિટર પર કેટલાક લોકો દાવો કરી રહ્યા છે કે આ એક ક્લાસિક મેપ છે જે ઇરેન્ગલનું સ્નો વર્ઝન છે. બીજી બાજુ પબજી દ્વારા કન્ફર્મ કરવામાં આવ્યું  કે કોલ્ડ ફ્રન્ટ સર્વાઇવલ 16 એપ્રિલના રોજ શરૂ કરવામાં આવશે. બેટલ ગેમમાં અત્યંત પોપ્યુલર એવી કોલ ઓફ ડયુટી ગેમને ટક્કર આપવા લોન્ચ થઇ રહેલા મોડના ટીઝરમાં ડ્રોન પણ જોવા મળે છે. કોલ ઓફ ડ્યુટી ગેમમાં ઘણા વખતથી ડ્રોન છે જે ગેમર્સમાં આકર્ષણનું કેન્દ્ર છે. પબજીના ચાહકો ઘણા સમયથી આ ફિચરની રાહ જોઇ રહ્યા છે.

પબજી મોબાઇલ લોન્ચ થયાના ટૂંક સમયમાં ડોઉનલોડના રોકોર્ડ તોડી નાખ્યા હતા. જો કે  તે પછી કોલ ઓફ ડયુટી અને ફોર્ટનાઇટ જેવી ગેમના કારણે તેના એકટિવ યુઝર્સમાં ઘટાડો થયો હતો. પબજીની લોકપ્રિયતા જોતા  કંપનીએ આ ગેમનું પબજી લાઇટ વર્ઝન પણ ગયા વર્ષે લોન્ચ કરાયું હતું. પબજી લાઇટ ઓછી રેમ અને લો પ્રોસેસર ધરાવતા મોબાઇલમાં પણ રમી શકાય છે. ભારતમાં લાઇટ વર્ઝન પણ ખાસ્સું પોપ્યુલર છે. આ લાઇટ વર્ઝનનાં લોંચિંગ સાથે, ગેમને એવા નવા યુઝર્સ મળ્યા છે જેઓ લો એન્ડ સ્માર્ટફોનનો ઉપયોગ કરે છે લાઇટ વર્ઝનની સાઇઝ 400 એમબી છે.ભારતમાં મોટી સંખ્યામાં યુઝર્સ કનેક્ટિવિટી માટે મોબાઇલ ડેટા પર નિર્ભર છે.

નોંધનીય છે કે આજે PM મોદી એ લોક ડાઉન ને લંબાવીને 3 મે સુધી કરી દીધું છે. વિશ્વભરના કોરોના વાયરસને કારણે લોક ડાઉનની સ્થિતિમાં ઘરે બેસીને નેટફ્લિક્સ, પ્રાઈમ જેવા પ્લેટફોર્મ ઉપર મુવીઝ અને વેબ સિરીઝ માણવા વાળાઓ અને ઘરે મોબાઈલ કે કમ્પ્યુટર ઉપર ગેમ્સ રમીને સમય પસાર કરવા વાળાઓની સંખ્યામાં વધારો થયો છે. આ વધી ગયેલી પોપ્યુલારિટીનો લાભ લઇને અનેક ગેમ્સ અત્યારે નવી નવી અપડેટ્સ મૂકી રહી છે.