અપડેટ / PUBG લાઇટમાં આવ્યો નવો ગોલ્ડન વુડ મેપ અને વોર મોડ

• પબજી લાઇટના ચાહકો માટે હવે ખુશખબર
• ગોલ્ડન વુડ મેપ એક નાના ટાઉન પર આધારિત
• પબજી લાઇટની નવી સિઝન 1 ઓકટોબરથી શરુ થશે

પબજી લાઇટના ચાહકો માટે હવે ખુશખબર છે. તેમાં હવે નવો મેપ ગોલ્ડન વુડ આવી ગયો છે. તેને મેપ સેકશનમાં જઇને ડાઉનલોડ કરી શકાય છે. બે મહિના પહેલા લોન્ચ થયેલી પબજી લાઇટ પણ કરોડો લોકોએ ડાઉનલોડ કરી છે. તેમાં પણ રેગ્યુલર અપડેટ આપવામાં આવી રહ્યા છે. 

રેમ ઓછી હોય અને પ્રોસેસર બહુ પાવરફુલ ન હોય તેવા મોબાઇલમાં પણ આ ગેમ બહુ સ્મુધલી ચાલે છે તે તેની સૌથી મોટો પ્લસ પોઇન્ટ છે. જોકે તેના ગ્રાફિકસ મેઇન ગેમ જેટલા જોરદાર નથી. તેમ છતાં એકવાર ગેમ રમવાનું ચાલું કર્યા પછી તેની ખાસ ખબર પડતી નથી.

પબજી લાઇટમાં વોર મોડ ફાયરફાઇટ તેમજ UAZ વેહિકલ જેવા નવા આકર્ષણ પણ ઉમેરવામાં આવ્યા છે. લાઇટ ગેમનું અપડેટ વર્ઝન 0.14.1 છે. પબજી લાઇટની નવી સિઝન 1 ઓકટોબરથી શરુ થઇ રહી છે તેથી પ્લેયર્સને ફરીથી રેન્ક મળશે. 

ગોલ્ડન વુડ મેપ એક નાના ટાઉન પર આધારિત છે, અને તે અત્યારે જે મીની ઇરેન્ગલ મેપ છે તેનાથી પણ નાનો છે. પબજી લાઇટમાં હવે કેટલાક નવા વેપન્સ પર પણ હાથ અજમાવી શકશે. જેમાં PP-19 સબ મશીન ગન, QBZ અને QBU DMRનો સમાવેશ થાય છે. પ્લેયર્સ માટે નવા આઉટફીટ પણ એડ કરવામાં આવ્યા છે. ગેમના ડેવલપર્સ કહે છે કે લાઇટ ગેમમાં પણ પ્લેયર્સને મેઇન ગેમની જેવી મજા આવશે. આગામી દિવસોમાં તેમાં હજુ વધુ મેપ અને વેપન્સ ઉમેરવામાં આવે તેવી શકયતા છે.