ભારતમાં બેન થઇ શકે છે PUBG હાઇકોર્ટ પહોંચ્યો 11 વર્ષનો બાળક

PUBG મોબાઇલ ગેમથી તો તમે પરિચિત હશો. હાલના દિવસોમાં ભારતમાં પબજીને બેન કરવાની માંગ ચાલી રહી છે. થોડાક દિવસ પહેલા જ ગુજરાતમાં પબજી પર બેન લગાવવામાં આવ્યો છે જ્યારે જમ્મુ-કાશ્મીરમાં પણ પબજી પર બેનની માંગ ચાલી રહી છે. દિલ્હીમાં આયોજિત પરીક્ષા-પે-ચર્ચા કાર્યક્રમમાં પણ પબજી ગેમનો ઉલ્લેખ થયો. તો બીજી બાજુ એક 11 વર્ષનો બાળક પબજીને ભારતમાં પૂરી રીતે બેન કરવા માટે બોમ્બે હાઇકોર્ટ પહોંચ્યો છે. 

અહદ નિજામ નામના બાળકે બોમ્બે હાઇકોર્ટમાં એક જનહિત અરજી દાખલ કરીને પબજી પર બેનની માંગ કરી છે. ઉપરાંત કહ્યું છે કે પબજી ગેમ હિંસા આક્રમકતા અને સાઇબર અપરાધને પ્રોત્સાહન આપે છે. જણાવી દઇએ કે અહદની મા મરિયમ નિજામ વકીલ છે અને પોતાની મા ની મદદથી અહદે કોર્ટને પબજી પર બેન કરવાની માંગ કરી છે. અરજીમાં એવું પણ કહેવામાં આવ્યું છે કે કેન્દ્ર સરકને આ પ્રકારની હિંસાત્મક ઓનલાઇન ગેમ પર સમય-સમય પર તપાસ માટે એક ઓનલાઇન સમીક્ષા સમિતિ બનાવી જોઇએ. 

જણાવી દઇએ કે ગુજરાતમાં પબજી પર પૂરી રીતે બેન લગાવી દેવામાં આવ્યો છે. આ પહેલા જમ્મુ-કાશ્મીરમાં પણ પબજી પર બેન લગાવવાની માંગ કરવામાં આવી છે. પબજી ગેમના કારણે હાઇ-સ્કૂલના બાળકોમાં ગુસ્સો વધી રહ્યો છે. સાથે જ અભ્યાસમાં એમનું મન લાગી રહ્યું નથી. જેને ધ્યાનમાં રાખીને ગુજરાત સરકારે જિલ્લા શિક્ષા અધિકારીઓને એક સર્કુલર જારી કરતા પબજી ગેમ પર બેન લગાવવા કહ્યું છે.