અપડેટ / આવી રહ્યું છે દુનિયાની લોકપ્રિય ગેમ્સ PUBGનું લાઇટ વર્ઝન, જો કે પ્રિ-રજિસ્ટ્રેશન આવશ્યક

ભારત સહિત દુનિયાભરમાં સૌથી લોકપ્રિય ગેમ્સમાંની એક પબજીનું હવે લાઇટ વર્ઝન આવી રહ્યું છે. ભારતમાં પણ ગેમનાં ચાહકો પબજી લાઇટનું બીટા વર્ઝન ટ્રાય કરી શકે છે. જો કે તે માટે પ્રિ-રજિસ્ટ્રેશન કરાવવું જરુરી છે. લાઇટ વર્ઝન લો લેવલના ફિચર્સ ધરાવતા ડિવાઇસમાં સરળતાથી ચાલશે. જો કે પ્રિ-રજિસ્ટ્રેશનનો અર્થ એવો નથી કે તે કરાવ્યા બાદ તરત જ ગેમ ડાઉનલોડ કરવા મળશે. લાઇટ વર્ઝન કયારે લોન્ચ કરાશે તેની પણ હજુ જાહેરાત કરાઇ નથી. 

જો કે 25 જુને તે લોન્ચ થાય તેવી અટકળો છે. પ્રિ-રજિસ્ટ્રેશન માટે http://lite. pubg. com પર જાવ. પાર્ટીસિપેટ ઇવેન્ટ પર કલીક કરો. તે પછી તમને તમારું પબજી લાઇટના એકાઉન્ટ માટે લોગીન થવાનું કહેશે. તમારું ઇ-મેલ આઇડી અને પાસવર્ડ એન્ટર કરો. જો તમારી પાસે પબજી લાઇટનું એકાઉન્ટ ન હોય તો ક્રિયેટ ન્યું એકાઉન્ટ કલીક કરી નવું એકાઉન્ટ ક્રિએટ કરો. તમે તમારા ફેસબુક એકાઉન્ટથી પણ લોગીન કરી શકો છો. તે પછી તમારા ઇ-મેલ પર એક કન્ફર્મેશન ઇ-મેલ આવશે.

હવે ફરી લોગીન કરીને પાર્ટીસિપેટ ઇવેન્ટ ઓપ્શન પર કલીક કરો.  you have registered in this event મસેજ પેપ અપ થશે.  પ્રિ-રજિસ્ટ્રેશન 20 જુનથી શરુ થઇ ગયું છે અને 3 જુલાઇ, 2019 છેલ્લી તારીખ છે. તમે સ્પેશિયલ કોડ દ્વારા રિવોર્ડ પણ કલેકટ કરી શકો છો. જે તમને ઇ-મેલથી મોકલવામાં આવશે. પ્રિ-રજિસ્ટર્ડ ગેમરને રિવોર્ડસ ઉપરાંત ગેમ્સમાં મુશ્કેલીથી મળતી કેટલીક રેર આઇટમ પણ મળશે.