મોટા સમાચાર / PUBG Ban પર આવ્યાં મોટા સમાચાર, તો શું હવે પ્રતિબંધ હટી જશે?

• PUBG Ban પર આવ્યાં મોટા સમાચાર
• પબજીની મેન સાઉથ કોરિયન કંપની પબજી કોર્પોરેશન ભારતમાં ટેન્સેન્ટથી અલગ થઈ રહી છે
• હવે પબજી પરથી હટી શકે છે બેન

પબજી કોર્પોરેશને હવે નિર્ણય લીધો છે કે, હવે ભારતમાં પબજી મોબાઈલ માટે ટેન્સેન્ટને ઓથોરાઈઝ્ડ કરશે નહીં, એટલે કે ભારતમાં પબજી મોબાઈલ પબ્લિશર ટેન્સેન્ટ નહીં હોય. ભારતમાં પબજી મોબાઇલ માટે તમામ પ્રકારના પબ્લિશિંગ રાઈટ પબજી કોર્પોરેશન પાસે રહેશે, જે દક્ષિણ કોરિયન કંપની છે. પબજીએ પણ સ્પષ્ટ કરી દીધું છે કે પબજી મોબાઇલ ગેમ દક્ષિણ કોરિયન પબજી કોર્પોરેશનનો એક ભાગ છે અને કંપનીને તેના ઉપર સંપૂર્ણ અધિકાર છે.

આ છે દક્ષિણ કોરિયન PUBG કોર્પોરેશનનો સ્ટેટમેન્ટ

લેટેસ્ટ ડેવલપમેન્ટ જોતા પબજી કોર્પોરેશને નક્કી કર્યું છે કે, હવે ભારતમાં પબજી મોબાઈલની ફ્રેન્ચાઈઝી ટેન્સેન્ટને નહીં આપવામાં આવે. હવે આગળ પબજી કોર્પોરેશન જ ભારતમમાં પબજી મોબાઈલના પબ્લિશિંગની જવાબદારી લેશે. કંપનીએ કહ્યું કે પબજી મોબાઈલ પ્લેયર અનનોન બેટલગ્રાઉન્ડ (PUBG)નું એક વર્ઝન છે, જેને સાઉથ કોરિયન કંપની  પબજી કોર્પોરેશને ડેવલપ કર્યું છે. 

શું પબજી પરથી બેન હટશે?

સરકારે પબજી બેનને લઈને કહ્યું હતું કે ડેટા, પ્રાઈવસી અને સિક્યોરિટીની દ્રષ્ટિએ આ ગેમથી ખતરો છે. એવામાં હવે જ્યારે ચીનની કંપનીને તેનાથી અલગ કરી દેવામાં આવશે તો આ ગેમિંગ એપ પરથી બેન હટી શકે છે. 

હાલ પબજી કે સરકાર તરફથી ગેમ પરથી બેન હટાવવાને લઈને કોઈ સ્ટેટમેન્ટ જારી કરવામાં આવ્યું નથી, હવે એ જોવાનું પણ રહ્યું કે પબજી કોર્પોરેશનના આ સ્ટેટમેન્ટ બાદ ચીનની કંપની ટેસેન્ટનું શું રિએક્શન આવશે.