ચેતજો / દિવસ-રાત PUBG ગેમ રમતો હતો, બાદમાં જે હાલત થઈ તે ચોંકાવનારી

શું છે આ સમગ્ર ઘટના?
TOIનાં રિપોર્ટ અનુસાર, પવન (કાલ્પનિક નામ) જે BSCનો વિદ્યાર્થી છે, તેને તાજેતરમાં જ હૈદરાબાદનાં સનશાઇન હોસ્પિટલમાં ભરતી કરવામાં આવ્યો છે. ડૉક્ટરોનાં જણાવ્યાં અનુસાર, તેને બ્રેઇન સ્ટ્રોક થયો હતો, તેનાં મગજમાં લોહીનાં પોપડાં જામી ગયા હતાં અને છેલ્લાં કેટલાંય દિવસોથી તેનું વજન પણ ઓછું થઇ રહ્યું હતું. તેને ડિહાઇડ્રેશનની ફરિયાદ પણ હતી. આ સિવાય તે તણાવગ્રસ્ત જોવાં મળ્યો હતો. ડૉક્ટરોનું કહેવું એમ છે કે દિવસમાં ખૂબ-ખૂબ મોડે સુધી પબ્જી રમવાને કારણ તેની સાથે આવું થયું હતું.

રિપોર્ટ્સ અનુસાર, 26 ઓગ્સટનાં દિવસે પવનનાં ઘરવાળાઓએ ફરિયાદ કરી કે તે પોતાનો સીધો હાથ અને પગ પણ હલાવી ન હોતો શકતો. ત્યાર બાદ તેને હોસ્પિટલમાં ભરતી કરવામાં આવ્યો. ડૉક્ટર વિનોદકુમારનું કહેવું એમ છે કે, 'પવનનું સંપૂર્ણ ધ્યાન રમતમાં રહેતું હતું, તે ખાવાનું પણ ઓછું ખાતો, પાણી પણ ન હોતો પીતો અને બરાબર આરામ પણ ન હોતો કરતો.

જે કારણોસર તેનાં મગજમાં લોહી જામી ગયું અને ક્લૉટિંગ થઇ ગયું. જ્યારે પવને પબ્જી રમવાનું શરૂ કર્યુ હતું ત્યારે શરૂઆતનાં એક મહીનામાં તે દિવસમાં 6થી 7 કલાક ગેમ રમતો. તેનું વજન 3-4 કિલો ઘટી ગયું હતું. જ્યારે તેને હોસ્પિટલ ખાતે લાવવામાં આવ્યો, તેનાં થોડાંક જ દિવસ પહેલાં તેને શરદી અને ઉલ્ટી થવાની પણ ફરિયાદ હતી. જ્યારે તેને હોસ્પિટલ લાવવામાં આવ્યો ત્યારે તે ખૂબ નબળો પડી ગયો હતો અને મુશ્કેલીથી કોઇ પણ વાતનો જવાબ આપતો હતો.'

બાદમાં પવનને હોસ્પિટલમાં ભરતી કરવામાં આવ્યો હતો ત્યારે તેને જીવ બચી શક્યો. પરંતુ હકીકત એ છે આજે કેટલાંય છોકરાંઓ આ રીતે દિવસભર ગેમ રમે છે. ડૉક્ટરોનું કહેવું એમ છે કે તે બાળકોમાં ગેમિંગ ડિસઓર્ડર વધવાનું ખતરનાક છે.