વાયરલ / સેનાનું બૂટ લઈને મંત્રી પહોંચ્યા સ્ટુડિયોમાં, વિપક્ષોને કહ્યું હવે તેને ચૂમી લો

• પાકિસ્તાનની સત્તાધારી પાર્ટીનાં નેતાએ કર્યું કૃત્ય 
• વિપક્ષનાં નેતાઓ કાર્યક્રમ છોડીને જતાં રહ્યા 
• નેતાએ કહ્યું તે હવે દરેક કાર્યક્રમમાં લઇ જશે આ જ બૂટ

પાકિસ્તાનની સત્તાધારી પાર્ટી પાકિસ્તાન તહેરીક-એ-ઇંસાફનાં નેતાએ એવી હરકત કરી કે સોશિયલ મીડિયામાં ખુબ બદનામી થઇ રહી છે. પાકિસ્તાનનાં જળમંત્રી વાવદા એક ટેલીવિઝનનાં કાર્યક્રમમાં પાકિસ્તાન સેનાનાં એક જવાનનું બુટ લઈને પહોંચી ગયા.

સોશિયલ મીડિયામાં વીડિયો વાયરલ 

વાવદા આ બુટથી વિપક્ષી લોકોનું મજાક ઉડાવી રહ્યા હતા. પાકિસ્તાનની સંસદમાં આર્મી એક્ટ પાસ થવા પર વિપક્ષી દળો વિરોધ કરી રહ્યા હતા. વિપક્ષીઓને જવાબ આપવા માટે ટીવીનાં કાર્યક્રમમાં જવાનનું બૂટ લઈને પહોંચી ગયા. જે બાદ વિપક્ષી નેતાઓ અકળાયા હતા. આ નેતાએ વિપક્ષી નેતાઓને બૂટ બતાવ્યું જેથી ગુસ્સે ભરાયેલા નેતાઓએ શો છોડીને જવાની ફરજ પડી હતી. 

નવાઝ શરીફની પાર્ટીનાં નેતાઓને બૂટનું ચુંબન કરવા કહ્યું 

ટીવી કાર્યક્રમમાં આ નેતાએ બૂટને ટેબલ મુક્યું અને નવાઝ શરીફ પર નિશાન તાક્યું. તેમણે નવાઝ શરીફને ગમે તે કિંમત પર રોકવાની વાત કહી. 
એટલું જ નહિ તેમણે કહ્યું કે આ દેશથી ચોરી કરવા અને દેશથી ભાગી જવા બદલ નવાઝ શરીફની પાર્ટીના નેતાઓએ નમન કરી આ બૂટનું સન્માન કરવું જોઈએ. તે અહિયાં જ ન અટક્યાં તેમણે વિપક્ષી નેતાઓને આગળ આવીને આ બૂટને ચુંબન કરવા કહ્યું 

આર્મી એક્ટનાં પાસ થઇ જવા પર નેતાએ કહ્યું તેઓ આ બૂટને સાથે જ રાખશે અને જે તે ટેલીવિઝન કાર્યક્રમમાં તેને સાથે લઈને જ જશે.