યોજના / લોન લેવાનો વિચાર છે? 59 મિનિટમાં લોન આપશે સરકારી બેંક

જોકે હવે સરકારી બેંકો પણ psbloansin59minutes પર રિટેલ પ્રોડક્ટ્સ જેવા હાઉસિંગ અને ઑટો લોન આપવાની તૈયારી કરી રહ્યા છે. psbloansin59minutes પોર્ટલની મદદથી બેંક પોતાના લોન પોર્ટફોલિયોમાં વિસ્તાર કરી રહી છે. 

આ બેંકો આપશે સુવિધા: 

તમને જણાવી દઇએ કે, psbloansin59minutes પોર્ટલ પર હાલમાં સ્ટેટ બેંક ઑફ ઇન્ડિયા (SBI), બેંક ઑફ ઇન્ડિયા  (BOI) અને કોર્પોરેશન બેંક MSMEને 5 કરોડ રૂપિયા સુધીની લોન આપવાની સૈદ્ઘાંતિક મંજૂરી આપી દીધી છે. બેંક ઑફ ઇન્ડિયાની યોજના છે કે, આ પોર્ટલની મદદથી પોતાના રિટેલી પ્રોડક્ટને ગ્રાહકો સુધી પહોંચાડી શકાય. બેંક ઑફ ઇન્ડિયા (BOI) આ યોજના પર કામ કરી રહ્યુ છે. બેંક ઑફ ઇન્ડિયા (BOI) ના જનરલ મેનેજરે કહ્યુ કે, ''આ પોર્ટલની મદદથી ગ્રાહકોને હોમ અને ઑટો લોનની સુવિધા આપવામાં આવશે.'' 

જોકે આ સિવાય ઇન્ડિયન ઓવરસીઝ બેંક (IOB) પણ આ સ્કીમ પર કામ કરી રહી છે. ઇન્ડિયન ઑવરસીઝ બેંક (IOB) એ psbloansin59minutes પ્લેટફોર્મથી સારી પ્રતિક્રિયા મળી રહી છે. હવે ઇન્ડિયન ઑવરસીઝ બેંક (IOB) ન તો માત્ર MSME ની આપવામાં આવનારી લોનની મર્યાદા વધારીને 6 કરોડ રૂપિયા કરવા માટે વિચાર કરી રહી છે જ્યારે આવનારા સમયમાં આ પોર્ટલ પર રિટેલ (હોમ  અને ઓટો લોન) મળશે તેના પર વિચાર કરી રહી છે. 

અન્ય સરકારી બેંકના વરિષ્ઠ અધિકારી અનુસાર, જો હોમ  અને ઓટો લોન જેવી પ્રોડક્ટ્સ psbloansin59minutes પ્લેટફોર્મ પર લોન્ચ કરવામાં આવે તો બેંકના રિટેલ બિઝનેસનો વિસ્તાર થશે, આ સિવાય  ટ્રાન્જેક્શનની સમસ્યા પણ ઓછી થઇ જશે.

માઇક્રો, લઘુ તથા મધ્યમ ઉદ્યોગો માટે આ રીતે કરો અરજી 

MSME  psbloansin59minutes  પ્લેટફોર્મની મદદથી હવે જ્યારે લોન માટે અરજી કરે છે તો 59 મિનિટમાં એલિજિબિલિટી લેટર અને સૈદ્ઘાંતિક મંજૂરી મળી જાય છે. આ સિવાય તેઓ બેંકમાં પણ પોતાની પસંદગી કરી શકે છે. અપ્રૂવલ લેટર મળ્યા પછી 7-8 દિવસોમાં લોન મળી જાય છે. પ્રધાનમંત્રી નરેન્દ્ર મોદીએ  psbloansin59minutes પોર્ટલની શરૂઆત 2018માં કરી હતી. લોન્ચના 4 મહિનામાં આ પોર્ટલની મદદથી 35000 કરોડની લોનની સૈદ્ઘાંતિક મંજૂરી આપવામાં આવી હતી. 31 માર્ચ 2019 સુધી  psbloansin59minutes  પોર્ટલમાં 50706 અરજીને સૈદ્ઘાંતિક મંજૂરી મળી છે. 

વધુ જાણકારી માટે ક્લિક કરો અહીંયા