PSI બન્યા દબંગ સોશિયમ મીડિયા પર DySPને ઉડાવી દેવાની ધમકી કરી પોસ્ટ- 'રજવાડુ આપો પાછું'

કચ્છઃ ભચાઉ પોલીસ સ્ટેશનના પીએસઆઈને દબંગગીરી ભારે પડી છે. પીએસઆઈની દબંગગીરીના કારણે તમને સસ્પેન્ડ કરવામાં આવ્યા છે. મહત્વનુ છે કે પીએસઆઈએ એ ડીવાયએસપીના અધીકારીને સોશિયલ મીડીયામાં પોતાના ફોટા સાથે પોસ્ટ મુકી ઉડાવી દેવાની ધમકી આપી હતી.

આ ઉપરાંત પીએસઆઈએ 'રઝવાડું પાછુ આપો' તેવી સોશિયલ મીડિયામાં પોસ્ટ પણ કરી છે. મહત્વનુ છે કે પીએસઆઈને ચૂંટણીની કામગીરીમાં ફરજ પર હાજર ન રહેતા ડીવાયએસપી દ્વારા નોટિસ પાઠવવામાં આવી હતી. ત્યારબાદ નોટિસ મળતા પીએસઆઈએ ઉશકેરાઈને ડીવાયએસપીને ધમકી આપી છે.

આ પ્રકારની સોશિયલ મીડિયામાં પોતાના ફોટા સાથે પોસ્ટ મુકી ઉડાવી દેવાની ધમકી અપાતા ખળભળાટ મચી જવા પામી છે. આ પોસ્ટમાં 'રઝવાડુ પાછુ જોઇએ છે' તેમ પણ લખ્યુ છે.

ભચાઉ પોલીસ મથકે પીએસઆઈ તરીકે ફરજ નિભાવતા શ્યામરાજસિંહ ચાવડા દ્વારા સોશ્યલ મીડીયા પર ગત તા.૨૪મી ડીસેમ્બરના રાત્રીના એક વાગ્યે પોતાના ફોટા સાથે એક પોસ્ટ કરી લખ્યું હતુ કે 'બીજી વાર સસ્પેન્ડ થયો અને પોલીસ વિભાગમાં સાત વર્ષે પુર્ણ કર્યા. પરંતુ હજી ફુલ પગારમાં નથી.

ડીવાયએસપી રાકેશ દેસાઈને ઉડાડી દેવાની ખુલ્લી ધમકી અને આઈ વોન્ટ બેક રજવાડુ'. આ પોસ્ટ બાદથી તેના મિત્રો અને પોલીસ વિભાગમાં હડકંપ મચી ગયો હતો. પોસ્ટને લઇ ચર્ચાનો દોર છેડાયો હતો. તાજેતરમાં યોજાયેલી વિધાનસભાની ચૂંટણીમાં અપાયેલી જવાબદારી પર હાજર ન રહેવા માટે ડિવાયએસપી દ્વારા તેમને નોટીસ પાઠવાઈ હતી. આંતરીક સુત્રોએ જણાવ્યું હતું કે અગાઉ સુરતમાં પણ તેમને ખરાબ વર્તુણુક માટે સસ્પેન્ડ કરાયા હતા.