પૃથ્વીરાજ ચૌહાણ / જીવો રાજ પૃથ્વીરાજ! દેશના શૂરવીર યોદ્ધાની ખુમારીની કહાની, રૂંવાડા ઊભા કરી દે એવું ટ્રેલર થયું રીલીઝ

• અક્ષય કુમારની પૃથ્વીરાજનું ટ્રેલર રિલીઝ 
• પૂર્વ મિસ વર્લ્ડ માનુષી છીલ્લર પણ છે આ ફિલ્મમાં 
• સોનુ સૂદ અને સંજય દત્ત પણ ફિલ્મમાં દર્શકોનું મનોરંજન કરશે 

અક્ષય કુમારની પૃથ્વીરાજનું ટ્રેલર રિલીઝ 

બોલિવુડ અભિનેતા અક્ષય કુમાર આજકાલ પોતાની મોસ્ટ અવેઈટેડ ફિલ્મ પૃથ્વીરાજને લઈને ચર્ચામાં છે. અભિનેતાની આ ફિલ્મ ઘણા સમયથી પોતાની રિલીઝની રાહ જોઈ રહી છે. ફેન્સ પણ આતુરતાથી અક્ષયની આ ફિલ્મની રાહ જોઈ રહ્યા છે. હવે દર્શકોની આ આતુરતા જોઈ મેકર્સે સોમવારે એટલે કે 9 મેનાં રોજ અક્ષય કુમાર અને માનુષી છીલ્લર સ્ટારર આ ફિલ્મનું ટ્રેલર લોન્ચ કર્યું છે. 

પૂર્વ મિસ વર્લ્ડ માનુષી છીલ્લર પણ છે આ ફિલ્મમાં 

સામે આવેલ ફિલ્મનાં ટ્રેલરમાં અક્ષય કુમાર પૃથ્વીરાજ ચૌહાણનાં પાત્રમાં જોવા મળે છે. જ્યારે પૂર્વ મિસ વર્લ્ડ માનુષી છીલ્લર રાજકુમારી સંજુકતાની ભૂમિકામાં જોવા મળે છે. ટ્રેલરથી સ્પષ્ટ થાય છે કે આ ફિલ્મની સ્ટોરી સમ્રાટ પૃથ્વી રાજ ચૌહાણની લવ સ્ટોરી પર આધારિત હશે. આ ઉપરાંત, ફિલ્મનાં ટ્રેલરમાં 1191 અને 1192માં થયેલા પૃથ્વીરાજ ચૌહાણ અને મોહમ્મદ ઘોરી વચ્ચેનાં યુદ્ધની પણ ઝાંખીઓ જોવા મળે છે. 

સોનુ સૂદ અને સંજય દત્ત પણ ફિલ્મમાં દર્શકોનું મનોરંજન કરશે 

અક્ષય કુમાર અને માનુષી છીલ્લર ઉપરાંત ટ્રેલરમાં અભિનેતા સોનુ સૂદ કવિ ચંદ્રવરદાઈનાં પાત્રમાં જોવા મળે છે. જ્યારે અભિનેતા સંજય દત્ત કાકા કાન્હાનાં પાત્રમાં દર્શકોનું મનોરંજન કરશે. સાથે જ આશુતોષ રાણા જયચંદ અને માનવ વિજ મોહમ્મદ ઘોરીનાં પાત્રમાં જોવા મળશે.