સનસનીખેજ / PF ખાતા ધારકો માટે મોટા સમાચાર: EPFOના 28 કરોડ ખાતાધારકોના ડેટા લીક થયા, આ વિગતો થઈ ગઈ સાર્વજનિક

• PF ખાતાધારકો માટે માઠા સમાચાર
• કરોડો લોકોના ડેટા ઓનલાઈન લીક થયાં
• આટલી વિગતો થઈ ગઈ જગજાહેર

જો તમે કર્મચારી ભવિષ્ય નિધિ સંસ્થા પણ છો તો આપના માટે મોટા સમાચાર આવ્યા છે. એક રિપોર્ટમાં દાવો કરવામાં આવ્યો છે કે, લગભગ 28 કરોડ પીએફ ખાતાધારકોના ડેટા ઓનલાઈન લીક થઈ ગયા છે. તેમાં આધારથી લઈને બેંક અકાઉન્ટની ડિટેલ સામેલ છે. 

[BREACH ALERT] 280M+ records in this Indian database, publicly exposed. Where to report? @IndianCERT ? pic.twitter.com/lkY55epCyy

— Bob Diachenko (@MayhemDayOne) August 2, 2022

બે IP એડ્રેસ પર ડેટા લીક

યુક્રેનથી સાઈબર સિક્યોરિટી રિસર્ચર બૉબ ડિયાચેંકોએ મોટો દાવો કર્યો છે કે, જે પીએફ ખાતાધારકો માટે અત્યંત ચોંકાવનારુ છે. આ સંબંધમાં જાહેર થયેલા રિપોર્ટમાં જણાવવામાં આવ્યું છે કે, ગત 2 ઓગસ્ટના ડિયાચેંકોએ શોધી કાઢ્યું છે કે, બે અલગ અલગ આઈપી એડ્રેસ અંતર્ગત ઓગસ્ટની શરૂઆતમાં પીએફ ખાતાધારકોના ડેટા લીક થયા છે. જ્યાં એક આઈપી એડ્રેસમાં 28,04,72,941 ખાતાધારકોનો રેકોર્ડ જાહેર થઈ ગયો છે. જ્યારે બીજા આઈપી એડ્રેસમાં 83,90,524 ખાતાધારકોના ડેટા લીક થયા છે. 

Here is my short report on the 280M+ Indian exposure (which is now addressed by an unkown party). https://t.co/S3XuFX6YOA

— Bob Diachenko (@MayhemDayOne) August 3, 2022

UAN નંબર સહિત આ ડિટેલ લીક

કર્મચારી ભવિષ્ય નિધિ સંગઠનના ખાતાધારકોનો જે ડેટા ઓનલાઈન લીક થયો છે, તેમાં ખાતાધારકોના યુનિવર્સલ અકાઉન્ટ નંબર (UAN), આધાર કાર્ડની વિગતો, બેંક અકાઉન્ટ નંબર અને ત્યાં સુધી કે નોમિનીની ડિટેલ પણ શેર કરી છે. રિપોર્ટમાં જણાવ્યા અનુસાર શોધકર્તાએ બતાવ્યું છે કે, બંને IP એડ્રેસ Azure-હોસ્ટેડ અને ભારત આધારિત હતા. તેમણે કહ્યું કે, ઓનલાઈન લીક થયેલ ડેટા સમીક્ષા બાદ, મને અહેસાસ થયો કે, મેં કંઈક જરૂરી અને મોટુ જોયુ છે. 

બંને આઈપી એડ્રેસમાંથી ડેટા ગાયબ

ડિયાચંકોના ટ્વિટના 12 કલાકની અંદર બંને આઈપી એડ્રેસથી ડિટેલ હટાવી લેવામા આવી હતી. યુક્રેનના શોધકર્તાએ કહ્યું કે, હવે બંને આઈપી એડ્રેસે હટી ગયા છે અને કોઈ પણ ડેટા ત્યાં છે નહીં. રિપોર્ટમાં ડિયાચેંકોના હવાલેથી કહેવામાં આવ્યું છે કે, 3 ઓગસ્ટ સુધી આ ડેટાના સંબંધમાં કોઈ પણ એજન્સી કે કંપનીએ તેને કોઈ જવાબ આપ્યો નહોતો.