લાખો મધ્ય વર્ગીય અને પ્રેન્શનર્સના પ્રોવિડન્ટ અને પેન્શન ફંડના હજારો કરોડ રૂપિયા ડૂબવાની આશંકા છે. વિશ્લેષકોનું અનુમાન છે કે IL&FSની ગ્રુપ કંપનીઓમાં આ ફંડમાં 15-20 હજાર કરોડ રૂપિયા લાગેલા છે. આ સમગ્ર મામલાથી જાણકાર 3 લોકોએ આ વાતની પુષ્ટિ કરી છે.
ખતરામાં છે 20000 કરોડ:
આ ફંડ કેવી રીતે જળવાય છે તેની પારદર્શકતાના અભાવે ચોક્કસ આંકડો તો જાણવા નથી મળ્યો પણ નિષ્ણાતો અનુસાર આ આકંડો 20000 કરોડને પાર કરી જાય તેવી શક્યતા છે. આ રકમ IL&FSને બેન્ક મ્યુચ્યુઅલ ફંડ તથા વેલ્થ મેનેજમેન્ટ સ્કીમમાંથી મળેલા દેવાની રકમ ઉપરાંતની રકમ છે.
કંપની પર છે 91000 કરોડનું દેવું:
એનાલિસ્ટોએ વિવિધ પાસાને ધ્યાનમાં રાખીને એક અંદાજ લગાવ્યો છે કે IL&FSને 11300 કરોડથી માંડીને 28 500 કરોડ રૂપિયા આપનાર કંપનીઓને ચૂનો લાગી શકે છે. રેગ્યુલેટરી ફાઈલિંગ પરથી માલૂમ પડે છે કે કંપની પર 91 000 કરોડ રૂપિયાનું દેવું છે. 61% બેંક લોન અને 33% ડિબેન્ચર તથા કોમર્શિયલ પેપર મારફતે અપાયેલું દેવુ છે.
પ્રાઇવેટ મેનેજમેન્ટવાળા ફંડ સામે મોટો પડકાર:
ખાનગી પ્રોવિડન્ટ ફંડ અને પેન્શન ફંડ માટે મોટુ જોખમ સાબિત થઈ શકે છે કારણ કે તેમણે એમ્પલોયી પ્રોવડિન્ટ ફંડ ઓર્ગેનાઈઝેશન (EPFO) ની શરત અનુસાર કોઇપણ રીતે નુકસાનની ભરપાઈ કરવી પડશે. બેન્કે ત્રણ મહિને આ ફંડમાં થનારા નુકસાનની જાણકારી આપવી પડે છે. ઘણી મોટી કંપનીએ પોતાનું નુકસાન દર્શાવવાની શરૂઆત કરી દીધી છે. જ્યારે બીજી કંપનીઓ આ બાબતે થોડી વધારે સ્પષ્ટતાની રાહ જોઈ રહી છે.
સૌથી વધારે પૈસા આ બેંકો પાસે:
IL&FSમાં સૌથી વધારે પૈસા યસ બેંક પજાંબ નેશનલ બેંક ઇન્ડસઇંડ બેંક અને બેક ઓફ બરોડામાં ફસાયેલા છે. પરંતુ ખબર નથી પડી કે તેમાં કયા પ્રોવિડન્ટ ફંડ અને પેન્શન ફંડની કેટલી રકમ ફસાયેલી છે.