કોરોનાકાળમાં ઓનલાઈન ક્લાસને લઈને સુપ્રીમ કોર્ટે કેન્દ્ર અને દિલ્હી સરકારને મોટા નિર્દેશ આપ્યા છે.
ઓનલાઈન ક્લાસને લઈને સુપ્રીમ કોર્ટના નિર્દેશ
સરકારે જ ઉઠાવવો જોઈએ ખર્ચ: સુપ્રીમ
ગરીબ બાળકોના શિક્ષણ માટે SC ચિંતિત
મોદી સરકારને આપ્યા આ નિર્દેશ
કોરોના વાયરસ મહામારીમાં ઓનલાઈન ક્લાસમાં ગરીબ બાળકો પાસે લેપટોપ અને મોબાઈલ ફોન અથવા ભણવા માટે કોઈ સાધન ન હોવાને લઈને સુપ્રીમ કોર્ટે કેન્દ્ર અને દિલ્હી સરકારને મોટા આદેશ આપ્યા છે. કોર્ટે કહ્યું કે રાજ્ય અને કેન્દ્ર સરકારની જવાબદારી છે કે બાળકોને સુવિધા આપવામાં આવે. સુપ્રીમ કોર્ટે આર્થિક રૂપથી કમજોર વર્ગ ડિજિટલ ડિવાઇસનાં કારણે શિક્ષણથી વંચિત થિયા ગયા છે કારણ કે તેઓ ઓનલાઈન ક્લાસ માટે કૉમ્પ્યુટરનો ખર્ચો ઉઠાવી શકતા નથી. એવામાં કેન્દ્ર અને દિલ્હી સરકાર તેમને સુવિધા આપવી જોઈએ.
પ્લાન બનાવવાના આદેશ
જસ્ટિસ ચંદ્રચૂડની બેન્ચ દ્વારા કેન્દ્ર અને દિલ્હી સરકારને પૂછવામાં આવ્યું છે કે તેઓ ગરીબ બાળકોને ઓનલાઈન ક્લાસ માટે કઈ રીતે સુવિધાઓ પ્રાપ્ત થશે અને પૈસા ક્યાંથી આવશે. સુપ્રીમ કોર્ટે પૂછ્યું કે દિલ્હીની પરિસ્થિતિ તો પણ સારી છે પરંતુ ગામડાઓ અને આદિવાસી વિસ્તારોમાં કઈ રીતે સુવિધા આપવામાં આવશે? મોટી સંખ્યામાં બાળકો શાળાને છોડી રહ્યા છે જે ખૂબ જ ગંભીર છે.
દિલ્હી હાઈકોર્ટનો આદેશ યોગ્ય
નોંધનીય છે કે ગયા વર્ષે સપ્ટેમ્બર મહિનામાં જ દિલ્હી હાઇકોર્ટે દિલ્હી સરકારને આદેશ આપ્યા હતા કે પ્રાઇવેટ સ્કૂલમાં પચીસ ટકા વિદ્યાર્થીઓ માટે લેપટોપ અને ટેબ્લેટનો ખર્ચો સરકાર જ આપે. જે બાદ સરકાર સુપ્રીમ કોર્ટમાં પહોંચી ગઈ હતી. પ્રથમ દ્રષ્ટિમાં દિલ્હી હાઈકોર્ટનાં ચુકાદાને સુપ્રીમ કોર્ટે યોગ્ય ઠેરવ્યો છે. સુપ્રીમ કોર્ટે આજે કહ્યું કે હાઈકોર્ટનો નિર્ણય બહુ સમજી વિચારીને લેવામાં આવ્યો હોય તેવું લાગી રહ્યું છે. જો ગરીબ બાળકોને સરકાર મદદ નહીં કરે તો શિક્ષણનાં મૂળભૂત અધિકારનો કોઈ અર્થ નહીં રહી જાય. દિલ્હી સરકારને નિર્દેશ આપવામાં આવે છે કે તે આ મુદ્દા પર એક પ્લાન તૈયાર કરીને અમને આપે. કેન્દ્ર સરકાર પણ આ મુદ્દા પર રાજ્ય સરકાર સાથે કામ કરીને સમસ્યાનું સમાધાન કાઢવા પર કામ કરે.
સુપ્રીમ કોર્ટના જજે કહ્યું કે અમે જોયું છે કે અમારા ડ્રાઈવરનાં દીકરા પણ ફોનથી ક્લાસમાં ભણી રહ્યા હતા. જો કોઈનાં બે બાળકો છે તો તેમની પાસે એટલા પૈસા નથી કે તે લેપટોપ અને ઈન્ટરનેટનો ખર્ચો ઉઠાવી શકે.