પંજશીર પર હુમલો કરવામાં પાકિસ્તાને જે રીતે તાલિબાનની મદદ કરી તેને લઈને કાબુલમાં પાકિસ્તાન મુર્દાબાદના નારા લાગ્યા છે. જેમા મહિલાઓએ રસ્તા પર ઉતરીને પાકિસ્તાનની સામે વિરોધ પ્રદર્શન કર્યું છે.
અફઘાનિસ્તાનમાં પાકિસ્તાન સામે વિરોધ પ્રદર્શન
પંજશીર પર થયેલો હુમલો પાકિસ્તાનને પડ્યો ભારે
પાકિસ્તાનની દખલગીરીથી અફઘાની જનતામાં નારાજગી
તાલિબાને પંજશીર પર જે હુમલો કર્યો હતો તેમા પાકિસ્તાને તેની મદદ કરી હતી. જોકે આ મુદ્દો હવે પાકિસ્તાનને ભારે પડી રહી છે. કારણકે અફઘાનિસ્તાનની જનતા હવે પાકિસ્તાનનો વિરોધ કરી રહી છે. સમગ્ર મામલાને લઈને અફઘાનિસ્તાનની મહિલાઓ આઈએસઆઈ ચીફ અને પાકિસ્તાન સામે રસ્તાઓ પર ઉતરી હતી.
પાકિસ્તાનને લઈને અફઘાનિસ્તાનમાં રોષનો માહોલ
વિરોધકર્તાઓએ પાકિસ્તાન મુર્દાબાદના નારા લગાવ્યા હતા. સાથેજ આઈએસઆઈ ફૈજ હમીદ પરત તેના દેશમાં જાય તેવી માગ કરી હતી. આપને જણાવી દઈએ કે અફઘાનિસ્તાનની ઘણી બધી જગ્યાઓ પર પહેલાથી લોકો પાકિસ્તાનનો વિરોધ કરી રહ્યા છે. પરંતુ પહેલી વખત કાબુલની મહિલાઓ કઈક અલગ રીતે પ્રદર્શન કરતી જોવા મળી હતી.
Night-time protests are taking place in Kabul. Afghan women have had it enough and they're bravely challenging Taliban and Pakistan. "Down with Pakistan" chants are heard in these protests.
This is the cry of a nation against oppression of Taliban and invasion of Pakistan pic.twitter.com/JJrxIYmHCA
કાબુલની મહિલાઓ એકાએક રસ્તા પર ઉતરી અને પાકિસ્તાન પર પ્રતિબંધ લગાવાની માગ કરી હતી. તાલિબાન સત્તામાં આવ્યા બાદ ISI ચીફ એકાએક અફઘાનિસ્તાન પહોચ્યા હતા. જેના લઈને એવી ચર્ચાએ જોર પકડ્યુ છે કે સરકાર બનાવ્યા પહેલા તેમણે તાલિબાની નેતાઓ સાથે મહત્વની બેઠક યોજી હતી.
અફઘાની નાગરીકોમાં નારાજગી
સમગ્ર મામલે અફઘાનિસ્તાનના નાગરીકોમાં નારાજગી જોવા મળી રહે છે. સૌથી પહેલાતો તેઓ તાલિબાની રાજ સ્વીકારવા તૈયાર નથી તેમજ પાકિસ્તાન પણ વચ્ચે દખલગીરી કરી રહ્યું છે. જેના કારણે અફઘાનિસ્તાનની જનતામાં હવે રોષ જોવા મળી રહ્યો છે.
પાકિસ્તાને બધા આરોપોને નકાર્યા
ઉલ્લેખનિય છે કે પાકિસ્તાન પર પહેલાથી આરોપ લાગ્યા હતા કે તે તાલિબાનનો સાથ આપી રહ્યું છે. જે આરોપો હવે સાચા સાબિત પણ થઈ ગયા છે. સાથેજ અમેરિકીના સેનાએ અને ખાનગી એજન્સીઓએ એવો દાવો પણ કર્યો છે કે તાલિબાન પાછળ આઈએસઆઈની મહત્વની ભૂમિકા છે. જોકે સમગ્ર મામલે પાકિસ્તાન આ બધાજ આરોપોને નકારી રહ્યું છે.