વડોદરાઃ શહેરની એમ. એસ. યુનિવર્સીટીમાં વિદ્યાર્થી સંઘની ચૂંટણી જાહેર થતાંની સાથે જ વિરોધ પ્રદર્શનો શરૂ થઇ ગયાં છે. એમ. એસ. યુનિવર્સીટીમાં ચૂંટણીની મતગણતરી એક જ સ્થળે યોજવા માટેની માંગ સાથે NSUIનાં વિધાર્થીઓ દ્વારા હલ્લાબોલ કરવામાં આવ્યો હતો. વિદ્યાર્થીઓએ વાઈસ ચાન્સેલર વિરુદ્ધ સૂત્રોચ્ચાર કર્યા હતાં. યુનિવર્સિટીના ઈન્ચાર્જ રજિસ્ટ્રારે NSUIની માંગને લઈ ચૂંટણી કમિટી સાથે ચર્ચા કરી નિર્ણય લેવામાં આવશે તેવું આશ્વાસન આપ્યું હતું.
આપને જણાવી દઇએ કે વડોદરાની એમ.એસ યુનિવર્સિટીમાં વિદ્યાર્થી સંઘની ચૂંટણી જાહેર થતાંની સાથે જ વિરોધ પ્રદર્શનો શરૂ થયાં છે. એમ એસ યુનિવર્સિટીમાં ચૂંટણીની મતગણતરી એક જ સ્થળે યોજવા માટેની માંગ સાથે આજે NSUIના વિદ્યાર્થીઓએ હલ્લાબોલ કર્યો હતો.
વિદ્યાર્થીઓએ યુનિવર્સિટીની હેડ ઓફિસ પર ભેગાં થઈને વાઈસ ચાન્સેલર વિરુદ્ધ સૂત્રોચ્ચાર કર્યા તેમજ યુનિવર્સિટીનાં ઈન્ચાર્જ રજિસ્ટ્રારને આવેદનપત્ર પાઠવી ચૂંટણીની મતગણતરી એક જ સ્થળે રાખવા માંગ કરી.
ઉલ્લેખનીય છે કે NSUIના વિદ્યાર્થીઓની સાથે યુનિવર્સિટીનાં સેનેટ સભ્યો અને પૂર્વ વિદ્યાર્થી નેતાઓ પણ જોડાયાં હતાં. મહત્વની વાત છે કે છેલ્લાં ઘણાં વર્ષોથી યુનિવર્સિટીમાં એક જ સ્થળે મતગણતરી થતી હતી.
પરંતુ ગત વર્ષે યુનિવર્સિટીની તમામ ફેકલ્ટીઓ પર મત ગણતરી યોજવામાં આવી હતી જેમાં ગેરરીતિ થઇ હોવાનો આક્ષેપ NSUIએ કર્યો હતો. યુનિવર્સિટીના ઈન્ચાર્જ રજિસ્ટ્રારે NSUIની માંગને લઈ ચૂંટણી કમિટી સાથે ચર્ચા કરી નિર્ણય લેવાશે તેવું આશ્વાસન આપ્યું હતું.