માનસિકતા / મારા જેવા પ્રોફેસર ગમે કે નહીં, પ્રોફેસરના વિચિત્ર સવાલથી SSG હોસ્પિટલ વિવાદમાં

વડોદરા (vadodara) માં આવેલી SSG હોસ્પિટલ (SSG Hospital) ફરી એક વખત વિવાદમાં આવી છે. ફિઝિયોથેરાપીમાં અભ્યાસ કરતી વિદ્યાર્થિનીઓએ પ્રોફેસર પર આક્ષેપ કર્યો છે. પ્રોફેસર એસ.કે.નાગર મૌખીક પરિક્ષામાં વિચિત્ર સવાલ કરતા હોવાના વિદ્યાર્થિનીઓએ આક્ષેપ કર્યા છે. પ્રોફેસરે અંગત જીવનના સવાલ કરતા હોવાના વિદ્યાર્થિનીઓએ આક્ષેપ કર્યા છે. `મારા જેવા પ્રોફેસર ગમે કે નહીં' તેવા પ્રોફેસર સવાલ કરતા હોવાનો વિદ્યાર્થીઓએ આક્ષેપ કર્યો છે. પ્રોફેસરના ત્રાસના કારણે વિદ્યાર્થિનીઓએ પરિક્ષા આપવાનું પણ ટાળ્યું છે.

તાજેતરમાં જ યોજાયેલ વાઇવામાં બરોડા કોલેજના સિનિયર પ્રોફેસર એસ.કે. નાગરે 'લવરબોય' જેવા સવાલો વિદ્યાર્થિનીઓને કરતા વિદ્યાર્થિનીઓ હચમચી ગઇ હતી. બરોડા કોલેજના ડીન સમક્ષ વિદ્યાર્થિનીઓએ ફરિયાદ કરવા આવી હોવાનું જાણવા મળ્યું છે.

ઉલ્લેખનીય છે કે શહેરની સયાજી હોસ્પિટલ એટલે કે SSG હોસ્પિટલમાં સ્વાઇન ફ્લુ વોર્ડની પાછળના ભાગે ફિઝિયોથેરાપી વિભાગની કોલેજ આવેલી છે. ત્યારે કોલેજના પહેલા વર્ષની વિદ્યાર્થિનીઓના વાઇવા ગત 16 જુલાઇ અને 17મી જુલાઇના રોજ હતા. આ વાઇવામાં આવેલ બરોડા મેડિકલ કોલેજ (Medical coolege Vadodara) ના સિનિયર પ્રોફેસર એસ.કે. નાગરને નિયુક્ત કરવામાં આવ્યા હતા. પરંતુ તેઓએ વિદ્યાર્થિનીઓને સુરૂચિનો ભંગ થાય તેવા સવાલો પૂછ્યા હોવાનો વિદ્યાર્થિનીઓએ આક્ષેપ કર્યો હતો.