આપણી આસપાસ બનતી અમુક ઘટનાઓ અપણને એ હદે ધ્રૂજાવી મૂકે છે કે માનવતા પરથી વિશ્વાસ જ ઉઠી જાય.
સારા માર્કસના બદલામાં વિદ્યાર્થિનીઓની જાતિય સતામણી કરનાર પ્રોફેસરને જેલમાં મોકલી દેવામાં આવ્યો છે. આ હાઈ-પ્રોફાઈલ કેસમાં હજુ 4 પ્રોફેસરો કોર્ટમાં હાજર થવાના છે. આફ્રિકન દેશ મોરોક્કોની એક અદાલતે એક પ્રોફેસરને અભદ્ર વર્તન, જાતીય સતામણી અને હિંસાનો દોષી ઠેરવ્યા બાદ તેને બે વર્ષની જેલની સજા ફટકારી છે. હસન યુનિવર્સિટી સાથે જોડાયેલો આ મામલો ત્યારે સામે આવ્યો જ્યારે વિદ્યાર્થી અને પ્રોફેસર વચ્ચેની ચેટ સોશિયલ મીડિયા પર લીક થઈ ગઈ. આ પછી આખા દેશમાં ખળભળાટ મચી ગયો હતો.
યુવતીએ ચેટ લીક કરી દીધી હતી
આ મામલો ત્યારે સામે આવ્યો જ્યારે ગત વર્ષે સપ્ટેમ્બરમાં વિદ્યાર્થીઓ અને પ્રોફેસર વચ્ચેની ચેટ સોશિયલ મીડિયા પર લીક થઈ હતી.
યુનિવર્સિટીની જ એક વિદ્યાર્થીનીએ ચેટને વાયરલ કરી દીધી હતી. ધીરે ધીરે આ મામલો ફેલાઈ ગયો અને આ લીક થયેલી આ છેટ યુનિવર્સિટી મેનેજમેન્ટ સુધી પહોંચી ગઈ હતી. આ પછી પ્રોફેસર વિરુદ્ધ કેસ નોંધવામાં આવ્યો અને મામલો કોર્ટમાં પહોંચ્યો. આ ખુલાસા બાદ સમગ્ર દેશમાં હોબાળો મચી ગયો હતો, બાદમાં આરોપીઓને કડકમાં કડક સજાની માંગ સાથે લોકો રસ્તા પર ઉતરવા લાગ્યા હતા.
મોરોક્કન યુનિવર્સિટીઓની ઇમેજ ખરાબ
આ દરમિયાન અન્ય કેટલીક વિદ્યાર્થિનીઓએ પણ આવા જ આક્ષેપો કર્યા ત્યારે યુનિવર્સિટીના અન્ય પ્રોફેસરોના નામ પણ સામે આવ્યા હતા. કુલ પાંચ પ્રોફેસર આરોપી હતા અને પાંચેય સામે કેસ દાખલ કરવામાં આવ્યો હતો. તેમાંથી હવે એકને અભદ્ર વર્તન, જાતીય સતામણી અને હિંસા માટે દોષિત ઠેરવવામાં આવ્યો છે. અહેવાલ મુજબ, તાજેતરના વર્ષોમાં આવી અનેક ઘટનાઓ બની છે જેણે મોરોક્કન યુનિવર્સિટીઓની પ્રતિષ્ઠાને અસર કરી છે. જો કે, હાલનો કેસ અલગ હતો જેને પ્રથમ વખત કોર્ટમાં પણ લાવવામાં આવ્યો હતો.