તબિયત નાદુરસ્ત / સલમાનની 'રેડી' ફિલ્મના નિર્માતા નીતિન મનમોહનને આવ્યો હાર્ટ એટેક, ICUમાં એડમિટ

• સલમાનની રેડીના પ્રોડ્યુસર નીતિન મનમોહનને આવ્યો હાર્ટ એટેક
• ધીરુભાઈ અંબાણી હોસ્પિટલમાં દાખલ કરવામાં આવ્યાં
• નીતિન ટ્રીટમેન્ટ પર રિસ્પોન્ડ કરી રહ્યાં છે, પણ હજી જોખમ ટળ્યું નથી

પ્રોડ્યુસર નીતિન મનમોહનને હાર્ટ એટેક આવ્યો

હોસ્પિટલના અધિકારી મુજબ નીતિન અત્યારે ICUમાં છે. સિનેમા જગતથી એક વખત ફરીથી દુ:ખદ સમાચાર સામે આવી રહ્યાં છે. બોલીવુડના દિગ્ગજ પ્રોડ્યુસર્સ અને ડાયરેક્ટરમાં સામેલ નીતિન મનમોહન અત્યારે જીવનની જંગ લડી રહ્યાં છે. નીતિનને હાર્ટ એટેક આવ્યો છે, ત્યારબાદ તેમને હોસ્પિટલમાં દાખલ કરવામાં આવ્યાં છે. તેમની કન્ડીશન નાજુક જણાવવામાં આવી રહી છે. 

નીતિન અત્યારે ICUમાં છે 

રિપોર્ટસ મુજબ, શનિવારે સાંજે નીતિન મનમોહનને મેસિવ હાર્ટ એટેક આવ્યો. ત્યારબાદ તેમને ધીરુભાઈ અંબાણી હોસ્પિટલમાં દાખલ કરવામાં આવ્યાં છે. જણાવવામાં આવ્યું છે કે નીતિન ટ્રીટમેન્ટ પર રિસ્પોન્ડ કરી રહ્યાં છે, પરંતુ તેઓ હજી પણ જોખમમાં છે. હોસ્પિટલના અધિકારી મુજબ, નીતિન અત્યારે ICUમાં છે. અધિકારીએ સમાચાર એજન્સીને જણાાવ્યું, જે સમયે તેમને હોસ્પિટલમાં લાવવામાં આવ્યાં હતા ત્યારે તેમની કન્ડીશન ખૂબ ક્રિટીકલ હતી. તેઓ અત્યારે ICUમાં છે.  

કોણ છે નીતિન મનમોહન?

નીતિન મનમોહન ફિલ્મી દુનિયાનુ એક મોટુ નામ છે. તેઓ લોકપ્રિય વિલન મનમોહનના પુત્ર છે. નીતિન મનમોહન બોલ રાધા બોલ, દસ, લાડલા, ચલ મેરે ભાઈ, રેડી, શૂલ સહિત ઘણી અન્ય ફિલ્મોને પ્રોડ્યુસ કરી ચૂક્યા છે. નીતિન મનમોહનના પરિવાર સહિત તેમના પ્રશંસકો પણ ફિલ્મમેકરના આરોગ્યને લઇને ચિંતિત છે અને તેમની સારી હેલ્થની કામના કરી રહ્યાં છે.