બોલિવૂડ એક્ટર અને ડિરેક્ટર દીપક તિજોરીએ છેતરપિંડીનો કેસ નોંધાવ્યો છે એ મુજબ તેની એક થ્રિલર ફિલ્મના સહ-નિર્માતા મોહન નાદારે તેની સાથે રૂ. 2.6 કરોડની છેતરપિંડી કરી હતી.
દિપક તિજોરી છેતરપિંડીનો શિકાર બન્યા
પોલીસે આઈપીસીની કલમ 420 અને 406 હેઠળ કેસ નોંધ્યો
શું છે સમગ્ર મામલો? જાણો
બોલિવૂડ એક્ટર અને ડિરેક્ટર દીપક તિજોરી 90ના દાયકાના જાણીતા એક્ટર છે. આપણે બધાએ દીપકન ઘણીવાર હીરોના મિત્ર અથવા ભાઈની ભૂમિકામાં જોયા હશે. દીપક તિજોરીએ બોલિવૂડ ઈન્ડસ્ટ્રીની ઘણી શાનદાર ફિલ્મોમાં કામ કર્યું છે. આ બધા વચ્ચે દીપકને લઈને હાલ એક મોટા સમાચાર સામે આવી રહ્યા છે. જણાવી દઈએ કે દિપક તિજોરી છેતરપિંડીનો શિકાર બન્યા છે.
રૂ. 2.6 કરોડની છેતરપિંડી કરી
બોલિવૂડ એક્ટર અને ડિરેક્ટર દીપક તિજોરીએ મુંબઈના અંબોલી પોલીસ સ્ટેશનમાં છેતરપિંડીનો કેસ નોંધાવ્યો છે. જેમાં દીપકે આરોપ લગાવ્યો હતો કે તેની એક થ્રિલર ફિલ્મના સહ-નિર્માતા મોહન નાદારે તેની સાથે રૂ. 2.6 કરોડની છેતરપિંડી કરી હતી. મહત્વનું છે કે દીપકની ફરિયાદ પરથી પોલીસે આઈપીસીની કલમ 420 અને 406 હેઠળ કેસ નોંધ્યો છે અને તપાસ શરૂ કરી છે.
Actor-director Deepak Tijori lodges complaint against co-producer for cheating Rs 2.6 crores
દીપકે 10 દિવસ પહેલા લેખિતમાં ફરિયાદ નોંધાવી
અભિનેતા દીપક તિજોરી આશિકી અને જો જીતા વોહી સિકંદર ફિલ્મોથી લાઇમલાઇટમાં આવી હતા. હાલ મળતી જાણકારી અનુસાર દીપકે 10 દિવસ પહેલા લેખિતમાં ફરિયાદ નોંધાવી હતી કે એક થ્રિલર ફિલ્મના સહ-નિર્માતા મોહન નાદારે શૂટ લોકેશનમાં તેનો ઉપયોગ કરવાના બહાને તેના અંગત ઉપયોગ માટે પૈસા ઉડાવી દીધા હતા.
હાલ મામલાની તપાસ ચાલુ છે
આ વિશે પોલીસના જણાવ્યા અનુસાર 'અભિનેતા અને આરોપીએ 2019માં ટિપ્સી નામની ફિલ્મ માટે કોન્ટ્રેક્ટ કર્યો હતો અને આરોપીએ પૈસા ન ચૂકવતા તેને આપેલો ચેક વારંવાર બાઉન્સ થતો હતો. હાલ અમે મામલાની તપાસ કરી રહ્યા છીએ. હજુ સુધી કોઈની ધરપકડ કરવામાં આવી નથી.'
Bollywood actor & director Deepak Tijori filed a case of cheating at Amboli police station. The actor alleged that he was duped of Rs 2.6 cr by co-producer Mohan Nadar, who joined him to produce a thriller film. Case has been registered under sec 420 & 406 of IPC & probe… https://t.co/mf05f3LHWmpic.twitter.com/R0jy1saVtN
શું છે સમગ્ર મામલો?
રિપોર્ટ્સ અનુસાર, દિપક તિજોરીએ મોહન નાદરને સપ્ટેમ્બર 2019માં લંડનમાં શૂટ લોકેશન માટે પૈસા લીધા હતા અને એ સમયે મોહને વચન આપ્યું હતું કે તે આ પૈસા પરત કરશે પણ ત્યારથી કરીને અત્યાર સુધી તે પૈસા પાછા આપવા માટે બહાના બનાવતો રહ્યો અને તેને આપવામાં આવેલ ચેક વારંવાર બાઉન્સ થતો રહ્યો છે. ફિલ્મ ટિપ્સીનું શૂટિંગ સપ્ટેમ્બર 2019માં લંડનમાં પૂરું થયું હતું. મોહને પ્રોજેક્ટ પૂરો ન કરતાં દીપકને રૂ. 2.6 કરોડનું નુકસાન થયું છે.