સુરતઃ અમદાવાદ કથિત લઠ્ઠાકાંડના પડઘા સુરતમાં પડ્યા છે. સુરત પોલીસ દ્વારા દેશી દારૂના અડ્ડાઓ પર દરોડા પાડવામાં આવ્યા છે. પોલીસે એક જ દિવસમાં દારૂના 140 કેસ નોંધયા છે. એક જ દિવસમાં 115 લોકોની અટકાયત પણ કરવામાં આવી છે.
આ દરમિયાન પોલીસે 1489 લીટર દેશી દારૂ 6360 લીટર કેમિકલવાળો દારૂ અને 350 વહીસ્કી બિયરની બોટલો કબ્જે કરી છે. ત્યારે હવે પોલીસે દારૂના અડ્ડાઓ પર દરોડા પાડીને કાર્યવાહી હાથ ધરી છે.
અમદાવાદ શહેર પોલીસનું દારૂબંધી પર અનોખું અભિયાન... દિવસમાં બે વાર કરશે દરોડા
અમદાવાદ શહેર પોલીસે દારૂબંધી પર હવે અનોખુ અભિયાન હાથ ધર્યું છે. જેના પગલે હવે પોલીસ દારૂના અડ્ડા પર દિવસમાં બે વાર દરોડા પાડશે. આ અભિયાન અંતર્ગત પોલીસ સવારે પાંચથી આઠ અને સાંજે પાંચથી નવ વાગ્યાના સમયગાળા દરમિયાન દારુના અડ્ડા પર દરોડા પાડશે.
પોલીસે આ સમય એટલા માટે નક્કી કર્યો છે કારણ કે આ સમયગાળા દરમિયાન મજૂરવર્ગનો મોટો સમુદાય દારૂ પીતો હોય છે. જેથી હવે પોલીસ શહેરના તમામ નાના મોટા દારૂના અડ્ડા પર દરોડા પાડશે. દરોડા દરમિયાન જે કોઈ પણ પકડાશે તેના પર કાયદેસરની કાર્યવાહી હાથ ધરાશે.