રાષ્ટ્રીય ઓડ મહાસભાના નવા અધ્યક્ષ તરીકેની જવાબદારી અમદાવાદના જશુભાઇ ઓડના શિરે સોંપવામાં આવી છે.
રાષ્ટ્રીય ઓડ મહાસભાના નવા અધ્યક્ષની નિયુક્તિ
જશુભાઇ ઓડ બન્યા નવા અધ્યક્ષ
જશુભાઇ ઓડએ વ્યક્ત કરી ખુશી
અમદાવાદના જશુભાઇ ઓડની સમસ્ત રાષ્ટ્રીય ઓડ મહાસભાના અધ્યક્ષ તરીકે નિમણૂક કરવામાં આવી છે. આ તકે જશુભાઇ ઓડએ ખુશી વ્યક્ત કરી આગામી સમયમાં સમાજને શિક્ષિત અને સંગઠિત કરવા માટે ખૂબ પ્રયત્ન કરવા અંગેની તૈયારી દર્શાવી હતી અને સમાજના પ્રશ્નો સરકાર સમક્ષ મૂકી તેના નિરાકરણ માટે બનતા પ્રયાસો કરવા અંગે તેમણે જણાવ્યું હતું.
સમાજને આગળ લઈ જવા હવે જશુભાઇ ઓડને સુકાન સોંપાયુ
અમદાવાદના જશુભાઇ ઓડને સમસ્ત રાષ્ટ્રીય ઓડ મહાસભાના નવા અધ્યક્ષ બનાવવામાં આવ્યા છે. જેને લઇને આજે ખોખરા ખાતે ગુજરાત સમસ્ત ઓડ સમાજ તરફથી તેઓના સન્માન સમારોહનું આયોજન કરવામાં આવ્યું હતું. જેમાં મોટી સંખ્યામાં ઓડ સમાજના લોકો સન્માન સમારોહમાં ઉપસ્થિતિ રહ્યા હતા. ઓડ સમાજ એટલે વિચરતી વિમુક્તિ જાતિમાંથી આવતો સમાજ. આ સમાજને આગળ લઈ જવા હવે જશુભાઇ ઓડને સુકાન સોંપવામાં આવ્યું છે.
શિક્ષણ અંગે અગ્રમિતાથી કામ કરાશે : જશુ ઓડ
જશુભાઈ ઓડએ અધ્યક્ષ પદ પરની પોતાની જવાબદારી અંગે ખુશી વ્યક્તિ કરી હતી અને સમાજનો આભાર માન્યો હતો અને સમાજના વિકાસ માટે કઈક કરી છુટવાની તત્પરતા બતાવી હતી. જશુભાઈ વ્યવસાયે બિલ્ડર છે અને સમાજમાં નામના ધરાવે છે. માટે હવે તેઓ સમાજ માટે કઈક કરવા ઇચ્છુક છે. શિક્ષણ ક્ષેત્રમાં ઓડ સમાજ પછાત હોવાથી હવે યુવાઓ માટે શિક્ષણ અંગે અગ્રમિતાથી કામ કરશે. વધુમાં ઓનલાઇન એપ્લિકેશનથી સમાજના પ્રશ્નોનું નિરાકરણ કરવા પ્રયાસ કરવામાં આવશે તેમ જશુભાઇ ઓડએ અંતમાં જણાવ્યું હતું.