GTU ના પૂર્વ VC નવીન શેઠ અને વર્તમાન રજીસ્ટ્રાર સામે તપાસના આદેશ આપવામાં આવ્યા છે. પૂર્વ VC અને વર્તમાન રજીસ્ટ્રાર સામે ભ્રષ્ટ્રાચારનો આરોપ લાગ્યો છે.
GTUના પૂર્વ VC નવીન શેઠ અને વર્તમાન રજીસ્ટ્રાર સામે તપાસના આદેશ
પૂર્વ VC અને વર્તમાન રજીસ્ટ્રાર સામે ભ્રષ્ટાચારનો આરોપ
સમગ્ર વિવાદ હવે CM કાર્યાલય સુધી પહોંચતા તપાસના આદેશ
GTU ના પૂર્વ VC નવીન શેઠ અને વર્તમાન રજીસ્ટ્રાર સામે તપાસના આદેશ આપવામાં આવ્યા છે. પૂર્વ VC અને વર્તમાન રજીસ્ટ્રાર સામે ભ્રષ્ટ્રાચારનો આરોપ લાગ્યો છે. પૂર્વ VC અને વર્તમાન રજીસ્ટ્રારે સાડીની ખરીદી કરી હતી. વિદ્યાર્થીઓના પૈસાથી તેમની પત્નિઓ માટે સાડી ખરીદી હતી. વિદ્યાર્થીઓના નાણામાંથી સાડીની ખરીદી બાદ વિવાદ ઉભો થયો હતો. ત્યારે હવે સમગ્ર વિવાદ હવે સીએમ કાર્યાલય સુધી પહોંચતા તપાસના આદેશ આપ્યા છે. આટલા રૂપિયાની કોટી અને સાડીની કરાઈ હતી ખરીદી
ગુજરાત ટેક્નોલોજિકલ યુનિવર્સિટીના પદવીદાન સમારોહમાં યુનિવર્સિટીના ડીન, ફેકલ્ટી સહિત પદાધિકારીઓને અલગ ઓળખ માટે ડ્રેસકોડ આપવામાં આવતો હોય છે. જેમાં મહિલાઓને સાડી તેમજ પુરુષોને કોટી કે કોટ આપવામાં આવતો હોય છે. ત્યારે ગત વર્ષ 2022ના ગુજરાત ટેક્નોલોજિકલ યુનિવર્સિટીના 11માં પદવીદાન સમારોહમાં દરેકને ડ્રેસકોડના ભાગરૂપે કોટી અને સાડી આપવામાં આવી હતી. જેમાં A,B,C એમ ત્રણ કેટેગરીમાં કોટી અને સાડી નક્કી કરવામાં આવી હતી. કુલ 3,07,676 રૂપિયાની કિંમતની પુરુષ કર્મચારીઓ માટે કોટીઓ ખરીદવામાં આવી હતી, જ્યારે કુલ 1,50,000 રૂપિયાની કિંમતની સાડીઓ મહિલા કર્મચારીઓ માટે ખરીદવામાં આવી હતી. A,B,C એમ ત્રણ કેટેગરી કરાઈ હતી નક્કી
A કેટેગરીમાં બોર્ડ મેમ્બર, ડાયરેક્ટરનો સમાવેશ કરાયો હતો, તો B કેટેગરીમાં કાયમી અધિકારીઓ અને જેમનો પગાર 40 હજાર રૂપિયાથી ઉપર હોય તેવા કર્મચારીઓનો સમાવેશ કરવામાં આવ્યો હતો. જ્યારે C કેટેગરીના કર્મચારીઓને કોટી અને સાડી આપવામાં આવી હતી. આ ડ્રેસકોડ માત્ર પદવીદાન સમારંભમાં જોડાયેલા વ્યક્તિઓને આપવામાં આવતો હોય છે. RTIમાં ખુલાસો થયો
તો આમાં કુલપતિ ડો. નવીન શેઠનાં ધર્મપત્ની જયશ્રીબેન શેઠ અને રજિસ્ટ્રાર કે.એન. ખેરનાં ધર્મપત્ની સમજુબેન ખેરને A કેટેગરીની સાડીઓ આપવામાં આવી હતી. જેનો માહિતી અધિકાર એક્ટ હેઠળની અરજી (RTI)માં ખુલાસો થયો છે. પૂર્વ કુલપતિ નવીન શેઠ અને વર્તમાન રજિસ્ટ્રારની પત્નીના સાડીના ઓર્ડરનો GTUનાં પરચેઝ ઓર્ડરમાં ઉલ્લેખ મળ્યો છે. GTU તરફથી કુલ 27 હજાર રૂપિયાની 10 સાડીની ખરીદી કરાઈ હતી. જેનું રૂપિયા 27,000નું બિલ જીટીયુના નામે રજૂ કરાયેલ છે.