એક મેગેઝીન માટે સાડીમાં ફોટો શૂટ કરાવીને સોશિયલ મીડિયા પર ટ્રોલ થયેલી પ્રિયંકા ચોપડા ગુરુવારની સાંજે મુંબઇમાં આખી કેસરી રંગના ડ્રેસમાં નજરે પડી હતી. એક ડેટિંગ વેબસાઇટના કાર્યક્રમમાં પહોંચેલી પ્રિયંકાએ અહીંયા પૂરી રીતે ઢાંકી રાખી હતી. પરંતુ અહીંયા કંઇક એવું થયું કે લોકોએ નારા લગાવવાનું શરૂ કરી દીધું.
પ્રિયંકા ચોપડાને અહીંયા કેસરિયા ડ્રેસમાં જોઇને ત્યાં મોજૂદ કેટલાક લોકોએ મોદી મોદીના નારા લગાવ્યા. પ્રિયંકા આ ડેટિંગ વેબસાઇટના મેનેજમેન્ટમાં ભાગીદારીના રૂપમાં સામેલ છે.
મુંબઇમાં જુહૂ તારા રોડની એક હોટલમાં થયેલી આ ઇવેન્ટ દરમિયાન પ્રિયંકાએ કેટલીક મહિલાઓ સાથે ડિનર કર્યું. ડિનર ડેટ પર પ્રિયંકા સાથે નમ્રતા પુરોહિત, પૂજા ઢીંગરા, અનુષા દાંડેકર જેવી મોટી હસ્તીઓ સામેલ થઇ.
થોડાક દિવસો અગાઉ પ્રિયંકાએ એક મેગેઝીન માટે બોલ્ડ ફોટોશૂટ કરાવ્યું હતું. પ્રિયંકાએ ગોલ્ડન કલરની સાડીમાં આ શૂટ કરાવ્યું હતું. સાડીની સાથે પ્રિયંકાનો બ્લાઉઝ જોવા મળ્યો ન હતો.
એ ફોટામાં પ્રિયંકા હંમેશાની જેમ સુંદર લાગી રહી હતી પરંતુ ફેન્સે એને એ વખતે પણ ટ્રોલ કરી દીધી હતી. લોકોની નજર પ્રિયંકાના બ્લાઉઝ પર આવીને અટકી ગઇ હતી.