નિક સાથેના સંબંધ વિશે પહેલી વાર ખુલીને બોલી પ્રિયંકા

પ્રિયંકા ચોપરા અને નિક જોનાસના સંબંધ વિશે કેટલાક સમયથી ચર્ચા ચાલી રહી છે. આ સમય દરમિયાન બંનેને ઘણી વખત એક બીજા સાથે સમય ગાળતા દેખાયા હતા. જ્યારે નિક પહેલેથી જ પ્રિયંકા સાથે તેના સંબંધ અંગે ખુલીવે વાત કરતો આવ્યો છે બીજી તરફ પ્રિયંકાએ તાજેતરમાં નિક સાથેના સંબંધ વિશે વાત કરી હતી.



એક મેગેઝિને આપેલા ઇન્ટરવ્યૂમાં પ્રિયંકાએ કહ્યું હતું કે અમે એકબીજાને જાણવાનો પ્રયત્ન કરી રહ્યા છીએ. મને લાગે છે કે તે તેના (નિક) માટે પણ એક સરસ અનુભવ હશે. પ્રિયંકાએ જણાવ્યું હતું કે ગોવાના ટ્રિપ અને અક્ષય અંબાણીની સગાઈ સમારોહ ખૂબ સુંદર ક્ષણો હતા નિકને ખુબ મજા આવી હતી."



પ્રિયંકાએ વધુમાં કહ્યું હતું કે "કોઈ પણ રિલેશનશિપમાં તમારા સાથી સાથે મુસાફરી કરવી તે એક માઈલસ્ટોન કરતાં ઓછું નથી હોતું પરંતુ મારા માટે આ એક રૂટિન બની ગયું છે. મારું જીવન ફક્ત મારા પ્રવાસો પર ચાલે છે. દર બે અઠવાડિયે મારો ફરવા જવાનો પ્લાન બનતો હોય છે. ક્યારેક સાથે કુટુંબમાં હોય છે તો ક્યારેક મિત્રોને મળું છું. આ મારા માટે સામાન્ય છે. "



તાજેતરમાં આ બંને ન્યૂ યોર્કમાં ડિનર પર જતા જોવા મળ્યા હતા. આ ઉપરાંત પ્રિયંકાના કેટલાક ફોટા જોવા મળે છે જેમાં તે નિકના પરિવાર સાથે સમય પસાર કરી રહી હતી. સૂત્રોના જણાવ્યા પ્રમાણે પ્રિયંકા ન્યૂ યોર્કમાં આ વખતે નિક સાથે તેના જન્મદિવસની ઉજવણી કરશે.