ગ્રેજ્યુએશન કર્યાનાં બે વર્ષ બાદ પણ નોકરી ન મળવાથી એક યુવતીએ પટનાની મહિલા કોલેજ પાસે ચાની દુકાન ખોલી છે. જાણો વિગતવાર
ગ્રેજ્યુએશનના બે વર્ષ બાદ પણ હતી બેરોજગાર
યુવતીએ શરુ કરી ચાની દુકાન
પટનાની મહિલા કોલેજની પાસે લગાવી દુકાન
ગ્રેજ્યુએશનના બે વર્ષ બાદ પણ હતી બેરોજગાર
એક યુવતીએ ઇકોનોમિક્સમાં ગ્રેજ્યુએશન પૂરું કર્યું અને પછી નોકરીની શોધમાં લાગી ગઈ. જયારે બે વર્ષ સુધી કોઈ નોકરી ન મળી, તો તેણે ચાની દુકાન ખોલવાનો નિર્ણય લીધો. ઇકોનોમિક્સ ગ્રેજ્યુએટ યુવતીએ પટનાની મહિલા કોલેજની બહાર ટપરી પર એક ચાની દુકાન ખોલી. ગ્રેજ્યુએટ પ્રિયંકા ગુપ્તાએ કહ્યું કે મેં 2019માં યૂજી કર્યું પણ ગયા 2 વર્ષોમાં નોકરી નથી મળી શકી. મેં પ્રફુલ્લ બિલ્લોર પાસેથી પ્રેરણા લીધી. તેમણે એમ પણ કહ્યું કે દેશમાં ઘણા ચાવાળા છે, ચાવાળી કેમ ન હોય શકે?
પટનાની મહિલા કોલેજ બહાર યુવતીએ ખોલી ચાની દુકાન
બિહારની રાજધાની પટનામાં 24 વર્ષની પ્રિયંકા ગુપ્તાએ નોકરી ન મળવા પર ચાની દુકાન ખોલવાનો નિર્ણય કર્યો. બિહારનાં પૂર્ણીયા જીલ્લાની મૂળ નિવાસી પ્રિયંકા ગુપ્તા બે વર્ષની અથાક મહેનત છતાં બેંકની પરીક્ષાઓમાં અસફળ થયા બાદ પટનાની મહિલા કોલેજની પાસે એક ચાની દુકાન ચલાવી રહી છે. મહાત્મા ગાંધી કાશી વિદ્યાપીઠથી ગ્રેજ્યુએશન પૂરું કર્યા બાદ પ્રિયંકાએ આ વર્ષે 11 એપ્રિલથી ચા વહેંચવાનું શરુ કર્યું છે. તે સ્ટોલ પર સારી સંખ્યામાં ગ્રાહકોને પોતાની તરફ આકર્ષિત કરી રહી છે.
Bihar: Priyanka Gupta, an economics graduate sets up a tea stall near Women's College in Patna
I did my UG in 2019 but was unable to get a job in the last 2 yrs. I took inspiration from Prafull Billore. There are many chaiwallas, why can't there be a chaiwali?, she says pic.twitter.com/8jfgwX4vSK
પ્રિયંકાનું કહેવું છે કે ગયા બે વર્ષથી મેં બેન્કની પરીક્ષાઓ પાસ કરવા માટે પ્રયત્નો કર્યા, પરંતુ આ સમય વ્યર્થ ગયો. એટલા માટે ઘર પરત ફરવાને બદલે, મેં પટનામાં ચાની દુકાન ખોલવાનો નિર્ણય લીધો. મને આમાં કોઈ જ સંકોચ નથી. શહેરમાં મારી પોતાની ચાની દુકાન મેં ખોલી અને આ વ્યવસાયને આત્મનિર્ભર ભારતની દિશામાં હું એક પગલાં તરીકે જોઉં છું.
MBA ચાવાળાથી ઈમ્પ્રેસ થઈને ખોલી ખુદની ચાની દુકાન
અમદાવાદમાં ચાની દુકાન ચલાવનાર પ્રફુલ્લ બિલોરને પ્રિયંકા પોતાના રોલ મોડલ માને છે. બિલોરે MBA કર્યા બાદ પણ એક ચાની દુકાન શરુ કરી હતી અને હવે તેમનો એક ખૂબ જ મોટો વ્યવસાય ચાલી રહ્યો છે. ચાની દુકાન પર ગ્રાહકોને આકર્ષિત કરવા માટે 24 વર્ષીય પ્રફુલ્લ બિલોર દિલચસ્પ પંચલાઈન્સ જેવી કે 'પીના હી પડેગા' અને 'સોચ મત...ચાલુ કર દે બસ' યૂઝ કરે છે.