Wednesday, July 17, 2019
સબસ્ક્રાઈબ કરો VTVGujarati ન્યુઝ Whatsapp

ચૂંટણી / મિશન ઉત્તર પ્રદેશ 2022 માટે પ્રિયંકા ગાંધીની તૈયારી, ચૂંટણી માટે બનાવી રણનીતિ

મિશન ઉત્તર પ્રદેશ 2022 માટે પ્રિયંકા ગાંધીની તૈયારી, ચૂંટણી માટે બનાવી રણનીતિ

કોંગ્રેસ મહાસચિવ પ્રિયંકા ગાંધી (Priyanka Gandhi) વાડ્રાએ ઉત્તર પ્રદેશમાં વર્ષ 2022માં યોજાનારી વિધાનસભા ચૂંટણી પહેલા પાર્ટી કાર્યકર્તાઓને દર સપ્તાહ ત્રણ-ચાર વાર મળવાનો નિર્ણય લીધો છે. પ્રિયંકા ગાંધી રાહુલ ગાંધીના નિવાસ સ્થાને દર મંગળવારે અને ગુરુવારે કાર્યકર્તાઓને મળશે.

કોંગ્રેસના એક વરિષ્ઠ સૂત્રે જણાવ્યું છે કે, લોકસભા ચૂંટણીના પરિણામ આવ્યા બાદ પ્રિયંકા ગાંધીએ પાર્ટી નેતાઓ અને કાર્યકર્તાઓને પોતાના નિવાસ સ્થાને મળવાનું શરૂ કર્યું હતું. કોંગ્રેસ મહાસચિવ પૂર્વી ઉત્તર પ્રદેશના પ્રભારી પણ છે. એ ગત બે સપ્તાહમાં પોતાના અને પાર્ટી અધ્યક્ષ રાહુલ ગાંધીના આવાસ પર 150થી વધારે કાર્યકર્તાઓને મળી ચૂક્યા છે.

જોકે, ગત સપ્તાહે એમણે પોતાના મતદારોનો આભાર પ્રગટ કરવા પોતાના માતા સોનિયા ગાંધી (Soniya Gandhi) સાથે એમના સંસદીય મત વિસ્તાર રાયબરેલી ગયા હતા. ત્યારે એમણે કહ્યું હતું કે એમણે રાજ્યમાં દર સપ્તાહે બે વાર લોકોને મળશે. 

પ્રિયંકા અન્ય ક્ષેત્રોના કાર્યકર્તાઓને પણ મળી હતી અને એમને પાર્ટીના ઉમેદવારોની જીત સુનિશ્ચિત કરવા ખુબ જ મહેનત ન કરવા માટે ફટકાર લગાવી હતી. એમણે કહ્યું હતું કે એ પાર્ટી અને પાર્ટી નેતાઓના કામકાજની સમીક્ષા કરશે. પ્રિયંકા ગાંધી (Priyanka Gandhi) એ 23 જાન્યુઆરીએ પાર્ટીના મહાસચિવ બનાવવામાં આવ્યા હતા અને લોકસભાની 41 બેઠકો વાળી પૂર્વી ઉત્તર પ્રદેશના પ્રભારી બનાવવામાં આવ્યા હતા. લોકસભા ચૂંટણીમાં એમણે 26 સંસદીય ક્ષેત્રોમાં પ્રચાર પ્રસાર કર્યો હતો. 

કોંગ્રેસ જોકે, ગાંધી પરિવારનો ગઢ માનવામાં આવતી અમેઠી બેઠક ગુમાવી ચૂકી છે. આ બેઠક પર પાર્ટી પ્રમુખ રાહુલ ગાંધીને ભારતીય જનતા પાર્ટીની ઉમેદવાર સ્મૃતિ ઇરાનીએ 550000 મતોથી હરાવ્યા હતા. સૂત્રો અનુસાર, પાર્ટી કાર્યકર્તાઓને પહેલા રાહુલ અને પ્રિયંકા ગાંધીને મળવાનો સમય મળતો નહોતો, પરંતુ હવે વિના સંમતિએ મળી શકશે. એમણે કહ્યું કે, પ્રિયંકા ગાંધીનું લક્ષ્ય છે જમીન સાથે જોડાયેલા કાર્યકર્તાઓ સાથે મળીને ઉત્તરપ્રદેશની જમીની હકીકતને સમજવી, જ્યાં કોંગ્રેસ 1988થી સત્તાથી બહાર છે. પ્રિયંકા ગાંધી કાર્યકર્તાઓ પાસેથી જાણકારી લઇને પાર્ટીને મજબૂત કરશે. લોકસભા ચૂંટણી પ્રચાર દરમિયાન જ પ્રિયંકા ગાંધીએ કાર્યકર્તાઓને 2022 વિધાનસભા ચૂંટણીની તૈયારી શરૂ કરવા કહ્યું હતું. 

સક્રિય રાજનીતિમાં પગ મુકતા જ પ્રિયંકા ગાંધીએ પાર્ટીના પ્રાણમાં પ્રાણ લાવવાની કોશિશ કરી છે. એમણે ફેબ્રુઆરીમાં લખનઉ સ્થિત પાર્ટીના પ્રદેશ કાર્યાલયમાં કાર્યકર્તાઓ સાથે એક બાદ એક બેઠકો યોજી હતી. પાર્ટીના પશ્ચિમી ઉત્તર પ્રદેશના પ્રભારી જ્યોતિરાદિત્ય સિંધિયા પણ ફરી સક્રિય બન્યા છે. એમણે અહીં સોમવારે અને લખનઉમાં શુક્રવારે સમીક્ષા બેઠક યોજી હતી. 
 

જોવા જેવું વધુ જુઓ

બ્રેકિંગ ન્યૂઝ