નિવેદન / UP માં દુષ્કર્મ પીડિતાએ મા-બાપ સાથે ઝેર પીધું, પ્રિયંકાએ કહ્યું-CM, મંત્રીને શરમ આવવી જોઇએ

• વારાણસીમાં દુષ્કર્મ પીડિતાએ મા-બાપ સાથે ઝેર પીધું
• પ્રિયંકા ગાંધીએ કાયદા વ્યવસ્થાને લઇને યુપી સરકારને ઘેરી
• મહિલા સુરક્ષા મુદ્દે પ્રિયંકા ગાંધીના સરકાર પર આકરા પ્રહાર

આ મામલે કોંગ્રેસના મહાસચિવ પ્રિયંકા ગાંધી વાડ્રાએ યોગી સરકાર પર નિશાન સાધ્યું છે. પ્રિયંકા ગાંધીએ કહ્યું છે ઉત્તર પ્રદેશની પરિસ્થિતિ જુઓ. કેટલી બધી ભયાનક ઘટનાઓ થવા છતા મહિલાઓની સુરક્ષાના મુદ્દા પર રાજ્ય સરકાર તરફથી કોઇ પગલા લેવામાં આવી રહ્યાં નથી તેવું નજરે પડી રહ્યું છે. 

રાજ્યના મુખ્યમંત્રી અને મંત્રીઓને શરમ આવવી જોઇએ. તેઓ કઇ વસ્તુઓની રાહ જોઇ રહ્યાં છે? તમે તમારા રાજ્યની મહિલા નાગરિકોને ન્યાય અપાવાનો ભરોસો અપાવી શકતા નથી?
 

उप्र के हालात देखिए। सैकड़ों भयावह घटनाएं होने के बाद भी महिला सुरक्षा के मुद्दे पर सरकार की तरफ से कोई हलचल नहीं दिखती है।

उप्र के मुख्यमंत्री और मंत्रियों को शर्म आनी चाहिए। वो किस चीज का इंतजार कर रहे हैं? आप अपनी महिला नागरिकों को इंसाफ का भरोसा ही नहीं दे पा रहे हैं। pic.twitter.com/lWMPfiO6Lj

— Priyanka Gandhi Vadra (@priyankagandhi) December 24, 2019

કાયદા વ્યવસ્થાના મુદ્દા પર પ્રિયંકા ગાંધી સતત ઉત્તર પ્રદેશની યોગી સરકારને નિશાન તાકી રહી છે. મિશન-2022 ની તૈયારી કરી રહેલ કોંગ્રેસ ઉત્તર પ્રદેશમાં મહિલા અપરાધોને મોટું હથિયાર બનાવી મેદાનમાં ઉતરવા માગે છે. આ રણનીતિને લઇને પ્રિયંકા ગાંધી વાડ્રાએ પોતાની નવી ટીમને તૈયારી કરવા જણાવી દીધું છે. 

કોંગ્રેસના મહાસચિવ અને ઉત્તર પ્રદેશના પશ્ચિમના પ્રભારી પ્રિયંકા ગાંધીએ સહારનપુર, ઉન્નાવ, મેનપુરમાં જાતે કમાન સંભાળી લીધી હતી. ત્યાર બાદ પ્રિયંકા ગાંધીએ પોતાની નવી ટીમને આ મુદ્દાને જોર-શોરથી ઉઠાવવા કહ્યું છે. 

ઉત્તર પ્રદેશ વિધાનસભા ચૂંટણીને હજુ ભલે અઢી વર્ષ જેટલો સમય બાકી છે પરંતુ પ્રદેશનું રાજકારણ અત્યારથી ગરમાયું હોય તેવું લાગી રહ્યું છે.