કોંગ્રેસ મહાસચિવ પ્રિયંકા ગાંધીએ પોતાના પિતા અને પૂર્વ વડાપ્રધાન રાજીવ ગાંધીની 75મી જયંતી પર પોતાના ટ્વિટર અકાઉન્ટ પર એક ભાવુક ટ્વિટ કર્યું. આ ટ્વિટમાં પ્રિયંકાએ પોતાના પિતા દ્વારા મળેલી શીખનો ઉલ્લેખ કર્યો છે.
પ્રિયંકા ગાંધીએ લખ્યું, ''મારા પિતા પાસે શીખ્યું કે કેવી રીતે લોકોની વાત સાંભળવી જોઇએ અને એમના માટે આપણા હૃદયમાં કેવી રીતે જગ્યા બનાવી શકાય, એનાથી કોઇ ફર્ક નથી પડતો કે એ મારા વિરુદ્ધ કેટલું બોલે છે. એમની પાસેથી શીખ્યું કે કેવી રીતે હસતા રહેવું અને આગળ વધતા રહેવાનું છે, એનાથી કોઇ ફરક નથી પડતો કે રસ્તો કેટલો પડકારજનક છે. ''
પ્રિયંકા ગાંધીએ આ ટ્વિટની સાથે પોતાની અને પિતા રાજીવ ગાંધીની એક તસવીર પણ શેયર કરી છે, જેમા ઇઇ કમિંસની કવિતા લખવામાં આવેલી છે. વડાપ્રધાન નરેન્દ્ર મોદીએ પૂર્વ વડાપ્રધાન રાજીવ ગાંધીની 75મી જયંતી પર મંગળવારે એમને શ્રદ્ધાજંલિ અર્પિત કરી. પીએમ મોદીએ ટ્વિટ કર્યું, '' પૂર્વ વડાપ્રધાન શ્રી રાજીવ ગાંધીને તેમની જયંતી પર શ્રદ્ધાંજલિ.'' કોંગ્રેસ રાજીવ ગાંધીની જયંતીને 'સદ્ભાવના દિવસ' તરીકે ઉજવે છે. વર્ષ 1944માં આજના દિવસે રાજીવ ગાંધીનો જન્મ થયો હતો.
From my father, I learned how to listen to people’s stories and find a place in my heart for them no matter how contrary to mine they might be.