દેશની રાજધાની દિલ્હીમાં આજે મતદાન થઇ રહ્યું છે. દેશના સામાન્ય વ્યક્તિથી લઇને દેશના રાષ્ટ્રપતિ સૌ કોઇ લોકતંત્રના આ પર્વને માણી રહ્યું છે. કોંગ્રેસના મહાસચિવ પ્રિયંકા ગાંધી વાડ્રા લોદી એસ્ટેટ મતદાન કરવા પહોંચ્યા, તો તમામની નજર એક વૃદ્ધ મહિલા પર ગઇ.
દેશની રાજધાની દિલ્હીમાં આજે મતદાન થઇ રહ્યું છે. દેશના સામાન્ય વ્યક્તિથી લઇને દેશના રાષ્ટ્રપતિ સૌ કોઇ લોકતંત્રના આ પર્વને માણી રહ્યું છે. કોંગ્રેસના મહાસચિવ પ્રિયંકા ગાંધી વાડ્રા લોદી એસ્ટેટ મતદાન કરવા પહોંચ્યા, તો તમામની નજર એક વૃદ્ધ મહિલા પર ગઇ. જેને પોલિંગ બુથથી બહાર આવતા જ પ્રિયંકા ગાંધીએ વાતચિત કરી અને તેમને ગળે લગાવ્યા.
90 વર્ષની આ વૃદ્ધ મહિલાનું નામ જ્વાલા દેવી છે. જે લોદી એસ્ટેટમાં પ્રિયંકા ગાંધીના ઘર બહાર રહે છે. પ્રિયંકા ગાંધી ઘણીવાર તેમની મુલાકાત લે છે. તથા જ્યારે પણ મતદાન કરવા જાય છે ત્યારે તેમને જરૂર મળે છે.
પ્રિયંકા ગાંધી સાથે મુલાકાત કર્યા બાદ જ્વાલા દેવી સાથે વાતચિત કરવામાં આવી તો તેમણે જણાવ્યું કે પ્રિયંકા ગાંધીએ તેમના ખબરઅંતર પૂછ્યા. જ્વાલા દેવીએ કહ્યું, પ્રિયંકાએ સૌથી પહેલા પૂછ્યું કે અમ્મા વોટ આપી આવ્યા. બધુ સારું છે ને. એમણે કહ્યું કે પ્રિયંકા ગાંધીએ એ ન પૂછ્યું કે કોને વોટ આપ્યો.
દિલ્હીમાં સવારે 7 વાગ્યાથી જ પોલિંગ બુથો પર મતદાતા વોટ કરવા માટે પહોંચી રહ્યા છે. પ્રિયંકા ગાંધી વાડ્રા પણ સવારે 11 વાગ્યે પોતાના પતિ રોબર્ટ વાડ્રા સાથે વોટ આપવા માટે પહોંચ્યા હતા. મતદાન બાદ પ્રિયંકા ગાંધીએ મીડિયા સાથેની વાતચિતમાં નરેન્દ્ર મોદી પર નિશાન સાધ્યું હતું. પ્રિયંકા ગાંધીએ કહ્યું, વડાપ્રધાન કોઇપણ વાતનો જવાબ આપતા નથી.
પ્રિયંકા ગાંધીએ નરેન્દ્ર મોદી પર નિશાન સાધતા કહ્યું, 15 લાખ રૂપિયા અને 2 કરોડ રોજગારના વાયદા કર્યા પરંતુ મોદીજી તેના પર કોઇ જવાબ આપી રહ્યા નથી. પ્રિયંકાગાંધીએ કહ્યું કે એમણે (નરેન્દ્ર મોદી) રાહુલ ગાંધીની ચેલેન્જનો પણ જવાબ આપતા નથી.