IPLIN
 

ચૂંટણી / રાહુલ ગાંધીની નાગરિકતા પર સવાલ ઉઠવા મામલે પ્રિયંકાનો મોટો ખુલાસો

Team VTV 04:45 PM, 30 Apr 19
Follow us
Priyanka Gandhi Vadra On Citizenship Of Rahul Gandhi

કોંગ્રેસ અધ્યક્ષ રાહુલ ગાંધીની નાગરિકતા પર વિવાદ વધી રહ્યો છે. રાજ્યસભા સાંસદ સુબ્રમણ્યમ સ્વામીની ફરિયાદ પર ગૃહ મંત્રાલયે રાહુલ ગાંધીને નોટિસ જાહેર કરીને જવાબ માગ્યો છે.ત્યારે ભારતીય જનતા પાર્ટીએ પણ પૂછ્યું છે કે રાહુલ દેશને જણાવે કે અંગ્રેજ છે કે ભારતીય છે.

પ્રિયંકાનો જવાબ
આ સાથે જ ભાજપે કટાક્ષ કરતાં પૂછ્યું હતું કે કયા રાહુલ ઓરિજિનલ છે.લંડન વાળા કે લુટિયંસ વાળા ? ત્યારે ભાજપના આ આરોપો પર મહાસચિવ પ્રિયંકા ગાંધીએ આને બકવાસ ગણાવી છે અને કહ્યું કે રાહુલ ગાંધી ભારતીય છે, તેઓ અહીં જ જન્મ્યા છે અને અહીં જ મોટા થયા છે.

ગૃહમંત્રાલયે એક પત્રમાં કહ્યું કે, તેમને ભાજપના સાંસદ સુબ્રમણ્યમ સ્વામી દ્વારા એક અરજી મળી હતી. જેમાં કહેવામાં આવેલ કે, રાહુલ ગાંધી 2003માં બ્રિટેનની બેક ઓપ્સ લિમિટેડના ડાયરેક્ટર્સના લીસ્ટમાં સામેલ હતા. 

સ્વામીની અરજી
મંત્રાલય અનુસાર, સ્વામીનું કહેવું છે કે, બ્રિટિશ કંપનીએ 10 ઓક્ટોબર 2005 અને 31 ઓક્ટોબર 2006માં ભરેલ વાર્ષિક ટેક્સ રિટર્નમાં રાહુલ ગાંધીની જન્મતિથી 19 જૂન 1970 બતાવી છે. જેમાં ગાંધીને બ્રિટિશ નાગરિક જાહેર કરવામાં આવેલ છે. 

 

આ સિવાય 17 ફેબ્રુઆરી 2009ના રોજ આ કંપનીની અરજીમાં પણ તમારી નાગરિકતા અંગે જણાવવામાં આવેલ છે. જે સંબંધિત આપને અનુરોધ કરવામાં આવે છે કે, એક અઠવાડિયાની અંદર તથ્યાત્મક રીતે તમે મંત્રાલય સમક્ષ જવાબ રજુ કરશો.
 

rahul gandhi Priyanka Gandhi
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ