કોંગ્રેસ નેતા પ્રિયંકા ગાંધી વાડ્રાએ બુધવારે કર્ણાટકમાં કોલેજની વિદ્યાર્થિનીઓના સમર્થનમાં આવ્યા છે. તેમણે આ અંગે એક ટ્વિટ કરીને મહિલાઓના અધિકારો યાદ અપાવ્યા હતાં.
બુરખા વિવાદ પર પ્રિયંકા ગાંધીએ ટ્વિટ કર્યું
મહિલાઓના અધિકારો માટે આગળ આવ્યા
મહિલાએ શું પહેરવું તે મહિલા જ નક્કી કરી શકે
કોંગ્રેસ નેતા પ્રિયંકા ગાંધી વાડ્રાએ બુધવારે કર્ણાટકમાં કોલેજની વિદ્યાર્થિનીઓના સમર્થનમાં આવ્યા છે. તેમણે ટ્વિટ કરીને કહ્યું છે કે, છોકરીઓએ કેવા કપડા પહેરવા તે એનો નિર્ણય છે, આ અધિકારી સંવિધાન દ્વારા આપવામાં આવ્યો છે. અહીં ઉલ્લેખનીય છએ કે, કર્ણાટકમાં અમુક કોલેજોમાં મુસ્લિમ છોકરીઓને બુરખો પહેરીને ક્લાસ રૂમમાં આવવા પર પ્રતિબંધ લગાવી દીધો હતો. પ્રિયંકા ગાંધીએ ટ્વિટ કરીને લખ્યું છે કે, પછી તે બિકિની હોય કે ધૂંધટ, જીંસ હોય કે બુરખો, આ બધું નક્કી કરવાનો અધિકાર મહિલા છે, કે તેણે શું પહેરવું જોઈએ. આ અધિકાર ભારતીય સંવિધાન દ્વારા આપવામાં આવ્યો છે. મહિલાઓને હેરાન કરવાનું બંધ કરો.
Whether it is a bikini, a ghoonghat, a pair of jeans or a hijab, it is a woman’s right to decide what she wants to wear.
This right is GUARANTEED by the Indian constitution. Stop harassing women. #ladkihoonladsaktihoon
પ્રિયંકા ગાંધીએ ચૂંટણીમાં મહિલા અધિકારોની કરી છે વાત
યુપીમાં આવતીકાલથી શરૂ થઈ રહેલા સાત તબક્કાની ચૂંટણીમાં માટે કોંગ્રેસે #ladkihoonladsaktihoonનો નારો આપ્યો છે. પાર્ટીએ ચૂંટણી પહેલા મહિલાઓના અધિકારો અને સશક્તિકરણના મુખ્ય બે મુદ્દાને હથિયાર બનાવ્યા છે. જેમાં પ્રિયંકા ગાંધી મહત્વની ભૂમિકા ભજવી રહ્યા છે.
અગાઉ રાહુલ ગાંધી પણ આવ્યા હતા સમર્થનમાં
ગત અઠવાડીયે કોંગ્રેસ સાંસદ રાહુલ ગાંધીએ ક્લાસમાં વિદ્યાર્થિઓના બુરખા પહેરવાના અધિકારના સમર્થનમાં ટ્વિટ કર્યું હતું. વિદ્યાર્થિનીઓના બુરખાને તેમના અભ્યાસ સાથે ન જોડવાની વાત કહી હતી. આવું કરીને દિકરીઓના ભવિષ્યને છીનવી રહ્યા છે. માં સરસ્વતી તમામને જ્ઞાન આપે છે, તે ભેદભાવ નથી કરતી.
છેલ્લા કેટલાય દિવસોથી કર્ણાટકના ઉડ્ડપી, ચિક્કમગલુર અને માંડ્યા જિલ્લાના કેટલાય શહેરોમાં ક્લાસમાં બુરખો પહેરીને આવવા પર પ્રતિબંધ લગાવી દીધો છે. જેના વિરુદ્ધમાં કેટલીય જગ્યાએ પ્રદર્શનો થઈ રહ્યા છે.