મિશન 2022 / ગુજરાતમાં નવરાત્રીમાં ગરબે ઘુમશે પ્રિયંકા ગાંધી! 30 સપ્ટેમ્બરે આ 2 શહેરમાં કોંગ્રેસના કાર્યક્રમની તૈયારી

• 30 સપ્ટેમ્બર આસપાસ પ્રિયંકા ગાંધી આવી શકે છે ગુજરાત 
• વડોદરા ખાતે રોડ શો કરી શકે છે પ્રિયંકા ગાંધી 
• કાર્યક્રમને કોંગ્રેસ દ્વારા અપાઈ રહ્યો છે આખરી ઓપ

ગુજરાત વિધાનસભાની ચૂંટણી જેમ જેમ નજીક આવી રહી છે તેમ તેમ રાજકીય માહોલ અને મતદારોને આકર્ષવા અલગ-અલગ પક્ષો દ્વારા અલગ અલગ જાહેરાતો કરવામાં આવી રહી છે. આ ઉપરાંત ચૂંટણી નજીક આવતાની સાથે જ દિગ્ગજ નેતાઓના ગુજરાતમાં આંટાફેરા વધી ગયા છે. ત્યારે હવે એવા સમાચાર સામે આવી રહ્યા છે કે,  30 સપ્ટેમ્બરની આસપાસ એટલે કે આ મહિનાના અંતમાં પ્રિયંકા ગાંધી ગુજરાતના પ્રવાસે આવી શકે છે. 

પ્રિયંકા ગાંધી વડોદરા ખાતે કરી શકે છે રોડ શૉ 

કોંગ્રેસના મહાસચિવ પ્રિયંકા ગાંધી વડોદરા અને આણંદના વિવિધ કાર્યક્રમોમાં ભાગ લઈ શકે છે. પ્રિયંકા ગાંધી વડોદારમાં રોડ શૉ કરી શકે છે, આ ઉપરાંત આણંદમાં મહિલા સંમેલનમાં પણ તેઓ ભાગ લે એવી સંભાવના છે. 26મી સપ્ટેમ્બરખથી નવરાત્રી શરૂ થઈ રહી છે, ત્યારે પ્રિયંકા ગાંધી આણંદ અથવા વડોદરામાં ગરબામાં પણ ભાગ લઈ શકે છે  પ્રિયંકા ગાંધીનો ગુજરાત પ્રવાસનો કાર્યક્રમ લગભગ નક્કી માનવામાં આવે છે. કેમકે કોંગ્રેસ દ્વારા તેમના કાર્યક્રમને લઈને તૈયારીઓ કરવામાં આવી રહી છે. 

ચૂંટણીને લઈને તડામાર તૈયારીઓ 

આગામી વિધાનસભાની ચૂંટણીને લઈને ગુજરાત કોંગ્રેસ એક્ટીવ મોડ પર આવી ગયું છે. કોંગ્રેસ દ્વારા ચૂંટણીને લઈને તડામાર તૈયારીઓ કરવામાં આવી રહી છે. ગઈકાલે અમદાવાદના રાજીવ ભવન ખાતે ગુજરાત પ્રદેશ કોંગ્રેસ સમિતિની કારોબારી બેઠક યોજાઈ હતી. જેમાં મતદારોને આકર્ષવા માટે રણનીતિ બનાવાવામાં આવી હતી.

દોઠ કરોડ પત્રિકાનું કરાશે વિતરણ 

કોંગ્રેસ મિશન 2022માં 125 લક્ષ્યાંક સાથે મેદાનમાં ઉતરશે. ચૂંટણી પહેલા કોંગ્રેસ એક્શન મોડમાં જોવા મળી રહી છે. ગઈકાલે કોંગ્રેસ કાર્યાલય ખાતે પ્રદેશ કારોબારી બેઠક મળી હતી. જેમાં પૂર્વ કોંગ્રેસ અધ્યક્ષ રાહુલ ગાંધીએ આપેલા આઠ વચન જન જન સુધી લઇ જવાની રણનીતિ બનાવવામાં આવી છે. કોંગ્રેસ નાગરિક અધિકાર પત્ર લઇ પ્રજા સમક્ષ જશે. આ ઉપરાત મારુ બુથ મારુ ગૌરવ અભિયાન અંતર્ગત દોઢ કરોડ પત્રિકા આપવામા આવશે. કોંગ્રસ પ્રદેશ પ્રમુખથી લઇ બુથ કાર્યકર્તા આ પત્રિકા આગામી 24, 25 અને 26 સપ્ટેમ્બરના રોજ આપશે. દર ચૂંટણીમાં બેક ફુટ પર રહેતી કોંગ્રેસ મિશન 2022 માટે ફ્રન્ટ ફુટ પર રમી રહી છે. ત્યારે કોંગ્રેસની નવી સ્ટેટજીનો કેટલો લાભ 2022 ચૂંટણી મળે છે તે જોવાનું રહેશે.