દેશમાં આર્થિક મંદીની અસર જોવા મળી રહી છે. ક્વાર્ટર પર ક્વાર્ટર અર્થવ્યવસ્થામાં સુસ્તી જોવા મળી રહી છે. કેટલાક ક્ષેત્રોમાંથી લોકોને નિકાળવામાં આવી રહ્યાં છે. 2014થી અત્યાર સુધી માત્ર નિર્માણ ક્ષેત્રમાં 35 લાખ લોકોની નોકરી જતી રહી છે. મંદીને લઇને કોંગ્રેસ મહાસચિવ પ્રિયંકા ગાંધી વાડ્રાએ મોદી સરકાર પર નિશાન સાધ્યું છે.
પ્રિયંકા ગાંધીએ મોદી સરકાર સાધ્યું નિશાન
સરકાર યુવાઓ પાસેથી કામની તકો છીનવી કરી રહી છે અન્યાય
પ્રયિંકાએ હેશટેગ મંદીની બિમારીનો કર્યો ઉપયોગ
એક મીડિયા રિપોર્ટનો હવાલો આપતા પ્રિયંકા ગાંધીએ કહ્યું છે કે સરકારે યુવાઓ પાસેથી કામની તકો છીનવી અન્યાય કર્યો છે.
પ્રિયંકાએ પહેલા ટ્વિટ કરી જણાવ્યું છે કે, દેશમાં નોકરીની તક ઉભી ન થવું વિકાસના પૈડા થંભી જવાની નિશાની છે. ભાજના શાસનમાં આ બિમારી મહામારીનું રૂપ લઇ ચુકી છે. નિર્માણ ક્ષેત્રમાં અંદાજે 35 લાખ નોકરીઓ છૂટી ગઇ છે. ITની મોટી-મોટી કંપનીઓ અંદાજે 40 લાખ નોકરીયાતોની નોકરી ગઇ છે. આ સાથે પ્રિયંકા ગાંધીએ હેશટેગ મંદીની બિમારી નો ઉપયોગ કર્યો છે.
देश में नौकरियाँ पैदा न होना विकास के पहिए के रुकने की निशानी है। भाजपा शासन में यह बीमारी महामारी का रूप ले चुकी है। निर्माण क्षेत्र में लगभग 35 लाख नौकरियाँ खत्म हो चुकी हैं। आईटी की बड़ी-बड़ी कम्पनियाँ लगभग 40 लाख नौकरियाँ खत्म करने वाली हैं।#मंदीकीमारhttps://t.co/Ld5l7azmO0
જ્યારે પ્રિયંકા ગાંધીએ બીજા ટ્વિટમાં કહ્યું છે કે ભારતની સૌથી મોટી તાકાત અહીના યુવાધન છે. કેન્દ્રની મોદી સરકારે તેમની પાસેથી કામ છીનવી લઇને મોટો અન્યાય કર્યો છે. ઉલ્લેખનીય છે કે IT ક્ષેત્રના માધ્યમથી વરિષ્ઠ સ્તર પર 40 લાખ કર્મચારીઓની નોકરી પર સંકટ છવાયેલું છે. હાલમાં કંપનીઓ ફ્રેશરને નોકરી આપી રહી છે જેનું મુખ્ય કારણ ઓછો પગાર ચુકવવો પડે.
6 વર્ષમાં સૌથી ઓછા લોકોને મળી નોકરી
અજીજ પ્રેમજી વિશ્વવિદ્યાલયના સેન્ટર ફોર સસ્ટેનેબલ ઇમ્પલોયમેન્ટ દ્વારા જારી કરવામાં આવેલ એક શોધ પત્રમાં દાવો કરવામાં આવ્યો છે કે ગત 6 વર્ષમાં લોકોને રોજગાર મળવાની સંખ્યામાં ભારે ઘટાડો થયો છે. 2011-12થી લઇને 2017-18ની વચ્ચે 90 લાખ લોકોએ પોતાની નોકરી ગુમાવી. ભારતના ઇતિહાસમાં આ પહેલી વાર થયું છે.
CMIE ના આંકાડા મુજબ ત્રિપુરા, હરિયાણા અને હિમાચલ પ્રદેશમાં લોકોને નોકરી શોધવા પર પણ મળી રહી નથી. ત્રિપુરામાં બેરોજગારી દર 23.3 ટકા જોવા મળ્યો. દેશના ગ્રામીણ અને શહેરી વિસ્તારોમાં બેરોજગારોની સંખ્યા સતત વધી રહી છે.