Wednesday, June 26, 2019
સબસ્ક્રાઈબ કરો VTVGujarati ન્યુઝ Whatsapp

લોકસભા / કોંગ્રેસની નૈયા પાર કરાવવા મેદાનમાં આવેલો હુકમનો એક્કો પણ થયો ફેલ, શું રહ્યું કારણ?

કોંગ્રેસની નૈયા પાર કરાવવા મેદાનમાં આવેલો હુકમનો એક્કો પણ થયો ફેલ, શું રહ્યું કારણ?

સક્રિય રાજકારણમાં જ્યારથી કોંગ્રેસે પ્રિયંકા ગાંધીની એન્ટ્રી કરી ત્યારથી કોંગ્રેસ પક્ષમાં આશાનો સંચાર જોવા મળતો હતો. લોકસભા ચૂંટણીમાં પણ તેનો ફાયદો મળે તેવી શક્યતા જોવા મળતી હતી. પરંતુ પ્રિયંકા ગાંધીથી કોંગ્રેસપાર્ટીને કોઈ ફાયદો જોવા ન મળ્યો ત્યારે હવે પ્રિયંકા ગાંધીની હવે પછીની ભૂમિકા પર પણ પ્રશ્નાર્થ ખડા થઈ ગયા છે.

લોકસભા ચૂંટણીના પરિણામો રાહુલ ગાંધી અને બહેન પ્રિયંકા ગાંધી માટે ખરાબ સપનાથી કમ નથી. મોદીની જીત અટકાવવા માટે પ્રિયંકા ગાંધીને ઉત્તરપ્રદેશની બાગડોર તો સોંપી દેવાઈ પણ પ્રિયંકાનો જાદુ ત્યાં કામ ન આવ્યો.

પ્રિયંકાએ વોટ માટે બોટ યાત્રા કરી અને ઉત્તરપ્રદેશમાં મોદી લહેર અટકાવવાનો પ્રયાસ કર્યો પણ મોદીનો મેજિક સહેજ પણ ન ઓસર્યો.

જ્યાં સુધી પ્રિયંકાને કોઈ પદભાર સોંપવામાં નહોંતો આવ્યો ત્યાં સુધી પ્રિયંકા સોનિયા ગાંધીની રાયબરેલી અને રાહુલ ગાંધીની અમેઠી બેઠક પર પ્રચાર પૂરતાં જ સિમિત રહેતા હતાં. પરંતુ જ્યારથી પ્રિયંકાએ સક્રિય રાજકારણમાં એન્ટ્રી કરી ત્યારથી કોંગ્રેસમાં ઘણો આશાવાદ હતો. પરંતુ લોકસભા ચૂંટણીમાં પ્રિયંકા ગાંધીથી કોંગ્રેસને કોઈ ફાયદો મળ્યો નહીં.

એક સમયે પ્રિયંકાએ વારાણસીમાં મોદી સામે ચૂંટણી લડવાની વાત કરી હતી. ત્યારે રાજકીય માહોલ રસપ્રદ પણ બન્યો હતો. પરંતુ ત્યારબાદ પ્રિયંકા મોદી સામે ચૂંટણીમાં ન ઊભા રહેતાં તેનો ખોટો મેસેજ પણ લોકોમાં ગયો. કોંગ્રેસના કાર્યકરો પણ પ્રિયંકાના આ પગલાથી નારાજ થયા હતાં. જો પ્રિયંકા અને મોદી સામે લડ્યા હોત તો કદાચ યૂપીનું ગણિત જુદું હોત તેવું ખુદ કોંગ્રેસના કાર્યકરોનુ માનવુ હતું.

ઉતાવળે પ્રિયંકાની સક્રિય રાજનીતીમાં એન્ટ્રી તો થઈ ગઈ પણ તે કોંગ્રેસને કંઈ કામ ન આવી. હવે પ્રિયંકા ગાંધીની ભૂમિકા કોંગ્રેસમાં વધશે કે ઘટશે તે પણ જોવાનું રહેશે. એટલે પ્રિયંકાના નેતૃત્વ પર કેટલો ભરોસો કરવો તેના પર પણ મનોમંથન કરવું કોંગ્રેસ માટે જરૂરી બની ગયું છે.

Priyanka Gandhi uttar pradesh Lok Sabha Election 2019

જોવા જેવું વધુ જુઓ

બ્રેકિંગ ન્યૂઝ