યુપીના લખીમપુર ખીરીમાં ભડકેલી હિંસાના પીડિતોને મળવા પહોંચેલી પ્રિયંકા ગાંધીની પોલીસે અટકાયત કરી હતી. પ્રિયંકાને સીતાપુરના એક ગેસ્ટ હાઉસમાં રાખવામાં આવ્યા છે.
પ્રિયંકા ગાંધીને પોલીસ કસ્ટડીમાં 28 કલાક જેટલો સમય
અન્નદાતાને કચડી નાખનાર લોકોને કેમ પકડી નથી શકતી સરકાર ?
કોંગ્રેસના સમર્થકોએ કર્યા પ્રદર્શન
કોંગ્રેસના સમર્થકો એકઠા થયા
કોંગ્રેસ મહાસચિવ પ્રિયંકા ગાંધી વાડ્રા પોલીસ કસ્ટડીમાં છેલ્લા 28 કલાક જેટલો સમય વિતાવી ચૂક્યા છે. પ્રિયંકાને છોડાવવા માંતે સીતાપુર ગેસ્ટ હાઉસની બહાર કોંગ્રેસના સમર્થકો એકઠા થયા હતા અને વિરોધ ચાલુ રાખ્યો હતો. પ્રિયંકાએ પણ ટ્વિટ કરીને સરકાર પર નિશાન સાધ્યૂ હતું.
.@narendramodi जी आपकी सरकार ने बग़ैर किसी ऑर्डर और FIR के मुझे पिछले 28 घंटे से हिरासत में रखा है।
ટ્વિટમાં પ્રિયંકાએ કહ્યું હતું કે નરેન્દ્ર મોદી જી! તમારી સરકાર કોઈ જ કારણ આપ્યા વગર કે FIR વગર મારી ધરપકડ કરીને મને 28 કલાક સુધી કસ્ટડીમાં રાખી શકે છે પરંતુ અન્નદાતાને કચડી નાખનાર લોકોને કેમ પકડી નથી શકતી?
પ્રિયંકાને સીતાપુરના એક ગેસ્ટ હાઉસમાં રાખવામાં આવ્યા
યુપીના લખીમપુર ખીરીમાં ભડકેલી હિંસાના પીડિતોને મળવા પહોંચેલી પ્રિયંકા ગાંધીની પોલીસે સોમવારે સવારે 5 વાગે અટકાયત કરી હતી. પ્રિયંકા લખીમપુર પહોંચી ગઈ હતી. પરંતુ તેમને હરગામમાં જ પોલીસે રોકી અટકાયત કરી લીધી હતી અને પીડિયોને મળવા દીધા નહોંતા. પ્રિયંકાને સીતાપુરના એક ગેસ્ટ હાઉસમાં રાખવામાં આવ્યા છે.
રાહુલ ગાંધીએ ટ્વિટ કરીને જણાવ્યું
આ મામલે રાહુલ ગાંધીએ ટ્વિટ કરીને જણાવ્યું હતું કે જેને કસ્ટડીમાં રાખી છે તે ડરતી નથી. પરંતુ તે સાચી છે અને હર નહીં માને!
રવિવારે લખીમપુર ખીરીના ક્ષેત્રમાં થયેલી હિંસામાં ખેડૂતો સહિત 8 લોકોના મોત થયા બાદ સોમવારે સ્થળ પર જઈ રહેલા કોંગ્રેસના મહાસચિવ પ્રિયંકા ગાંધી વાડ્રાની રસ્તામાં સીતાપુરમાં અટકાયત કરાઈ જેમાં તેમની યુપી પોલીસ સાથે આકરી બોલાચાલી થઈ છે.
યુપી પોલીસ સાથે થયેલી બોલચાલનો એક વીડિયોમાં પ્રિયંકા ગાંધી એમ કહેતા જોવા મળી રહ્યા છે કે જો આ ગાડીમાં લઈ જશો તો મારું અપહરણ કરી લેશો. તેમણે કહ્યું કે પોલીસને કહ્યું કે આ જ છે તમારું લીગલ સ્ટેટ્સ. એવું ન માનશો કે હું સમજતી. એ બાદ એક પોલીસ વાળો કહે છે કે તેમની ધરપકડ કરી લો. જેના પર પ્રિયંકા ગાંધીએ કહ્યું કે, કરો અમને અરેસ્ટ, અમે ખુશીથી આવીશું તમારી સાથે. તમે જો અમને ધરેલી રહ્યા છોને, તેમાં ફિઝિકલ અસોલ્ટ, કિડનેપીંગનો પ્રયાસ, અટેમ્પ્ટ ટૂ મોલેસ્ટ અને અટેમ્પ્ટ ટૂ હાર્મ છે.
અગાઉ એક વાયરલ વિડિયોમાં જોવ મળ્યું હતું કે પ્રિયંકાએ પોલીસને કહ્યું કે હું બધું જ સમજુ છુ. મને અડીને બતાવો. પોતાના અધિકારીઓ અને મંત્રીઓ પાસેથી વોરન્ટ લઈ આવો. મહિલા સાથે વાત કરતા શીખો. તેમણે પોલીસને કહ્યું કે તમારા રાજ્યમાં ભલે કાયદો ન હોય, પરંતુ આ દેશમાં કાયદો છે. મને ધક્કેલીને ક્યાં જશો અને મને જબરદસ્તી લઈ જઈ રહ્યા છો. તમારો કોઈ હક નથી. તેમણે કહ્યું કે કોઈ વોરન્ટ વગર મને કયા આધાર પર રોકી રહ્યા છો. મને વોરન્ટ બતાવો નહીંતર હું અહીંથી નહીં હલુ.
રાહુલ ગાંધીએ કહ્યું પ્રિયંકા એ લોકો તારાથી ડરી ગયા
પ્રિયંકા ગાંધીની અટકાયત બાદ તેમના ભાઈ અને કોંગ્રેસ સાંસદ રાહુલ ગાંધીએ ટ્વીટ કરી. જેમાં તેમણે લખ્યું. પ્રિયંકા હું જાણું છું કે તુ પીછે હટ નહીં કરે. તારી હિંમતથી તેઓ ડરી ગયા.
આ પહેલા રાહુલ ગાંધીએ લખીમપુર ખીરીમાં થયેલી હિંસાને લઈને સરકારને ઘેર્યા હતા. તેમણે ટ્વીટ કર્યુ હતુ કે જે આ અમાનવીય નરસંહારને જોઈને પણ ચૂપ છે. તે પહેલા જ મરી ચૂક્યા છે. પરંતુ આ બલિદાનને બેકાર નહીં જવા દે. ખેડૂત સત્યાગ્રહ જિંદાબાદ.