લાઇન ઓફ એક્ચુઅલ કંટ્રોલ (LAC) પર ભારતીય સેનાના 20 જવાનાના શહીદ થવા દેશભરમાં આક્રોશ જોવા મળી રહ્યો છે. ત્યારે બીજી તરફ ચીનનો બહિષ્કાર કરવાની માગ કરવામાં આવી રહી છે. આ વચ્ચે કોંગ્રેસ દ્વારા દિલ્હી-મેરઠ સેમી હાઇસ્પીડ રેલ કૉરિડોરની ડીલ ચીનની કંપનીઓને આપવાનો મામલો ઉઠાવવામાં આવ્યો છે. થોડા દિવસ પહેલા જ ચીનની કંપની સાથે આ પ્રોજેક્ટને લઇને ડીલ કરવામાં આવી હતી.
દિલ્હી-મેરઠ સેમી સ્પીડ રેલ કૉરિડોર મામલો
કેન્દ્ર સરકારે આપ્યાં હતા ડીલ રદ્દ કરવાના સંકેત
કોંગ્રેસ મહાસચિવ પ્રિયંકા ગાંધી વાડ્રાએ ગુરુવારે ટ્વિટ કરી જણાવ્યું છે કે આપણા 20 જવાન શહીદ થયા છે. એવામાં કેન્દ્ર સરકારે હવે કડક શબ્દોમાં સંદેશ આપવો જોઇએ પરંતં સરકાર દિલ્હી-મેરઠ સેમી હાઇસ્પીડ રેલ કૉરિડોરની ડીલ ચીનની કંપનીને સોંપીને ઘૂંટણીયે પડવાની રણનીતિ અપનાવી રહી છે. જ્યારે આ કૉરિડોર બનાવવા માટે ભારતની પણ ઘણી બંધી કંપનીઓ સક્ષમ છે.
શું છે દિલ્હી-મેરઠ RRTS પ્રોજેક્ટ
દિલ્હી-મેરઠની વચ્ચે સેમી હાઇ સ્પીડ રેલ કોરિડોર બનવાનો છે. આ પ્રોજેક્ટથી દિલ્હી, ગાઝિયાબાદ થઇને મેરઠ સાથે જોડાશે. 82.15 કિલોમીટર લાંબા RRTS માં 68.03 કિલોમીટર ભાગ એલિવેટેડ અને 14.12 કિલોમીટર અંડરગ્રાઉન્ડ હશે. આ પ્રોજેક્ટથી મુખ્ય રીતે ઉત્તરાખંડ, ઉત્તર પ્રદેશ જવા વાળાઓને ખાસ ફાયદો થશે.
કેમ મચી છે બબાલ
દિલ્હી-મેરઠ RRTS પ્રોજેક્ટના અંડરગ્રાઉન્ડ સ્ટેચ બનાવવા માટે સૌથી ઓછી રકમની બોલી એક ચીનની કંપની શંઘાઇ ટનલ એન્જિનયરિંગ કંપની લિમિટેડ (STEC) લગાવી છે. STEC એ 1126 કરોડ રૂપિયાની બોલી લગાવી હતી. ચીનની કંપનીને સ્ટ્રેચનું કામ આપવાને લઇને વિપક્ષ સહિત સ્વદેશી જાગરણ મંચ વિરોધ કરી રહી છે.
પાંચ કંપનીઓએ લગાવી હતી બોલી
દિલ્હી-મેરઠ RRTS કૉરિડોરમાં ન્યૂ અશોક નગરથી સાહિબાબાદની વચ્ચે 5.6 કિમી સુધી અંડરગ્રાઉન્ડ સેકશનનું નિર્માણ થવાનું છે. આ માટે પાંચ કંપનીઓએ બોલી લગાવી હતી. ચીનની કંપની STEC એ સૌથી ઓછી 1,126 કરોડ રૂપિયાની બોલી લગાવેલી. ભારતીય કંપની લાર્સન એન્ડ ટુબ્રોએ 1,170 કરોડ રૂપિયાની બોલી લગાવેલી.