કોરોના મહામારીને કારણે બોલિવૂડ સ્ટાર્સ પણ ઘરમાં કેદ થઈ ગયા છે. ત્યારે હાલ સોશિયલ મીડિયા પર સ્ટાર્સના જૂના વીડિયો ખૂબ વાયરલ થઈ રહ્યાં છે. મોટાભાગના બોલિવૂડ સેલેબ્સ લોકડાઉનને કારણે સોશિયલ મીડિયા પર ખૂબ એક્ટિવ થઈ ગયા છે. એવામાં હાલમાં જ બોલિવૂડ અને હોલિવૂડ સ્ટાર પ્રિયંકા ચોપડાનો એક વીડિયો ખૂબ જ વાયરલ થઈ રહ્યો છે. વીડિયોમાં પ્રિયંકાના વાળ અજીબ દેખાય રહ્યાં છે.
પ્રિયંકા ચોપડાનો એક વીડિયો થઈ રહ્યો છે વાયરલ
વીડિયોમાં પ્રિયંકા વિચિત્ર હેરસ્ટાઈલમાં જોવા મળી રહી છે
ફેન્સ તેની આ સ્ટાઈલ જોઈને ખૂબ કમેન્ટ કરી રહ્યાં છે
તમને જણાવી દઈએ કે, પ્રિયંકાનો આ યૂનિક હેરસ્ટાઈલનો વીડિયો જોઈને ફેન્સ ચોંકી ગયા છે. જોકે, વીડિયોમાં પ્રિયંકા તેની હેરસ્ટાઈલને એન્જોય કરતા જોવા મળી રહી છે. પ્રિયંકાના વાળની આવી હાલત જોઈને ફેન્સ વીડિયો પર ખૂબ કમેન્ટ કરી રહ્યાં છે.
હકીકતમાં પ્રિયંકા ચોપડાએ તેનો એક જૂનો વીડિયો શેર કર્યો છે. જેમાં તે કોઈ ઈવેન્ટ માટે તૈયાર થઈ રહી છે અને તેની હેરસ્ટાઈલ પર કામ થઈ રહ્યું છે. જેથી તેના વાળમાં હેર જેલ લગાવી વાળ એકદમ ઉપર તરફ ઉભા કરી દેવામાં આવ્યા છે. પ્રિયંકાને તેની આ હેરસ્ટાઈલ એટલી ગમી ગઈ કે તે ટોવેલમાં ડાંસ કરતી દેખાઈ રહી છે. પ્રિયંકા ચોપડાની આ હેર સ્ટાઈલ અને મસ્તીભર્યા ડાંસને જોઈને તમે પણ ખૂબ એન્જોય કરશો.
જોકે, ઘણાં ફેન્સને પ્રિયંકાનો આ અંદાજ પસંદ ન આવ્યો. બધાં જ તેની હેરસ્ટાઈલને જોઈને દંગ રહી ગયા છે. કેટલાક ફેન્સે તો તેના આ હેરસ્ટાઈલની તુલના કાર્ટૂન કેરેક્ટરથી પણ કરી નાખી. તો કોઈકે કહ્યું-અમારા દેશના હીરાની વિદેશીઓએ કેવી હાલત કરી નાખી.
તમને જણાવી દઈએ કે, પ્રિયંકા ચોપડા પણ અન્ય સેલેબ્સની જેમ હાલ ઘરમાં જ પતિ સાથે પોતાનો સમય પસાર કરી રહી છે. આ દરમિયાન તે સોશિયલ મીડિયા પર ખૂબ જ એક્ટિવ થઈ ગઈ છએ. તે અવાર-નવાર કોરોના વાયરસ સામે સુરક્ષા માટે લોકોને જાગરૂક કરતી જોવા મળે છે.