ગ્લોબલ એક્ટ્રેસ પ્રિયંકા ચોપરાએ એમેઝોન પ્રાઈમની સાથે એક નવી ડીલ સાઈન કરી છે. એક ઈન્ટરનેશનલ મેગેઝીને તેની રિપોર્ટમાં કહ્યું કે, પ્રિયંકા ચોપડાએ એમેઝોન પ્રાઈમની સાથે 2 વર્ષની મલ્ટીમિલિયમ ડોલર ફર્સ્ટ લુક ટેલિવિઝન ડીલ સાઈન કરી છે. પ્રિયંકાએ પોતે પણ આ વાતની જાણકારી તેના સોશિયલ મીડિયા એકાઉન્ટ પર આપી છે. પ્રિયંકાએ આ મેગેઝીનની રિપોર્ટને શેર કરતા જણાવ્યું કે, હવે તે કોઈ જ ભાષા કે સીમાના બંધન વગર સારું કન્ટેન્ટ બનાવશે.
પ્રિંયકા ચોપડાએ એમેઝોન સાથે ફાઈનલ કરી કરોડોની ડીલ
પ્રિયંકાએ તેના સોશિયલ મીડિયા એકાઉન્ટ પર આપી જાણકારી
આ વિશેની માહિતી ઇન્સ્ટાગ્રામ પર શેર કરી પ્રિયંકાએ લખ્યું કે, એક એક્ટર અને પ્રોડ્યુસર તરીકે હંમેશાં આવા પ્રોજેક્ટ કરવાનું મારું સપનું હતું કે દુનિયાભરના ક્રિએટિવ ટેલેન્ટ એકસાથે આવે અને કોઈ જ ભાષા કે સીમાના બંધન વગર સારું કન્ટેન્ટ બનાવે. આ મારા પ્રોડક્શન હાઉસ પર્પલ પેબલ પિક્ચર્સનું ડીએનએ રહ્યું છે.
પ્રિયંકાએ આગળ લખ્યું કે, એક સ્ટોરીટેલર તરીકે હું સતત મારી જાતને નવા આઈડિયા શોધવા માટે પ્રયાસો કરતી રહું છું, આ માત્ર એન્ટરટેન કરવા માટે નહીં પણ લોકોના વિચારો અને વ્યૂપોઇન્ટને ખોલવા માટે પણ છે. 20 વર્ષના મારા કરિયરમાં જ્યારે પાછળ ફરીને જોઉં છું, ત્યારે અંદાજે 60 ફિલ્મ પછી મને આશા છે કે હું તેને અચીવ કરવાના રસ્તા પર છું.
તમને જણાવી દઈએ કે, આ કરોડોની ડીલ થયા પહેલાં પણ પ્રિયંકા અને નિક પહેલીવાર સાથે મળીને સંગીત નામના એક રિયાલિટી ડાન્સ શો પર કામ કરી રહ્યાં છે. આ શોભારતીય લગ્નની સંગીત સેરેમનીથી પ્રેરિત હશે. આ સિવાય પ્રિયંકા એમેઝોનની એક ડિટેક્ટિવ ડ્રામાનો પણ ભાગ બનશે. પ્રિયંકાની આ ડીલ ગ્લોબલ હોવાથી તે અંગ્રેજી અને હિન્દી બંને ભાષામાં આ કન્ટેન્ટ બનાવશે.