પ્રિયંકા ચોપડાએ આ ખુશખબરી પોતાના ઇન્સ્ટાગ્રામ અકાઉન્ટ દ્વારા શેર કરી છે. આ માટે સાંભળીને એના ચાહકો ખૂબ જ એક્સાઇટેડ છે.
બોલીવુડ એક્ટ્રેસ પ્રિયંકા ચોપડા હોલીવુડમાં પોતાનું નામ કરી ચુકી છે. એને સતત સારા રિસ્પોન્સ મળી રહ્યા છે, જેના દ્વારા એને અલગ અલગ એક્સપેરિમેન્ટ કરવા મળી રહ્યા છે. હવે માહિતી એ છે કે પ્રિયંકાને નવી હોલીવુડ ફિલ્મ મળી છે.
પ્રિયંકાએ હોલીવુડ ફિલ્મ મેળવાના ગુડ ન્યૂઝ ઇન્સ્ટાગ્રામ અકાઉન્ટ દ્વારા શેર કર્યા છે. આ ફિલ્મ એક વેડિંગ કૉમેડી હશે. યૂનિવર્સલ પિક્ચર્સના બેનર હેઠળ આવી રહેલી આ ફિલ્મમાં પ્રિયંકા ચોપડા ઉપરાંત મિંડી કેલિંગ પણ લીડ રોલમાં છે. ફિલ્મની એક્ટ્રેસ મિંડી સ્ક્રિનપ્લે લખવાની જવાબદારી પણ સંભાળી રહી છે. આ કામ એ ડેન ગૌર સાથે મળીને કરી રહી છે.
પ્રિયંકાએ ઇન્સ્ટાગ્રામ પર એક સ્ક્રીન શૉટ શેર કર્યો છે. એની સાથે એને લખ્યું, સારી સ્ટોરી કહેવા માટે ઉત્સાહિત બે મહિલાઓને એમની સ્ટોરી એમના જ અંદાજમાં સંભળાવવા માટે લીલી ઝંડી મળી ગઇ છે. મિંડી કેલિંગ અને ડેન ગૌરની સાથે આ અદ્ભુત પાર્ટનરશિપ પર ગર્વ છે. અમે તમને એ દેખાડવાના છે કે મૉડર્ન, ગ્લોબલ અને ભારતીય થવાનો શું મતલબ થાય છે.
જણાવી દઇએ કે પ્રિયંકાની ચોથી હૉલીવુડ ફિલ્મ છે. એબીસીની ક્વોટિંકો સીરિઝ બાદ પ્રિયંકા અ કિડ લાઇક જેક, બેવૉચ અને ઇઝ ઇન્ટ ઇટ રોમેન્ટિકમાં નજરે આવી ચુકી છે.